शिरुर (किरण पिंगळे-शेलार) तुम्हाला जिथे गरज आहे तिथे आशा वर्कर या प्रमाणिकपणे काम करत असतात. त्यांच्या या कार्याला माझा नेहमीच सलाम आहे. तुमच्या त्या कामाची पावती म्हणूनच महिला दिनानिमित्त मी आशा वर्कर यांचा सन्मान केला. तुम्हाला कधीही कुठेही काहीही अडचण आली तरी मी नेहमी तुमच्या सोबत आहे. तुमचे काम खरंच चांगले असुन त्यात कधीही कमीपणा समजू नका. चांगल्या कामाची पावती नेहमी चांगली मिळते असे मनोगत राणी कर्डिले यांनी व्यक्त केले.
सगळीकडे 8 मार्च हा दिवस जागतिक महिलादिन म्हणून साजरा केला जातो. यंदा 8 मार्च रोजी महाशिवरात्री असल्याने रामलिंग महिला उन्नती बहुउद्देशीय सामाजिक संस्थेच्या वतीने दसगुडे मळा (रामलिंग) येथे शेतकरी महिला तसेच आशा वर्कर यांच्यासोबत महिलादिन साजरा केला. त्यांच्या हस्ते सावित्रीबाई फुले यांच्या प्रतिमेचे पुजन करुन या कार्यक्रमाची सुरवात करण्यात आली.
यावेळी महिलांचे उखाणे तसेच त्यांच्या सोबत विविध विषयांवर संवाद साधला. दिवसभर शेतीत काबाडकष्ट करताना महिलांना स्वतःसाठी वेळ मिळत नाही. शेती आणि घरकाम एवढेच आमचे जग आहे. त्यामुळे बाहेरचे जग आम्हाला माहीत नाही. पण आज तुम्ही येऊन आमच्याशी संवाद साधत आमच्या अडचणी समजुन घेतल्या असे महिलांनी यावेळी सांगितले. तसेच कोणावरही संकट आले तर आम्ही सर्व एकजुटीने त्यांना मदत करत असतो असे या महिलांनी सांगितले.
समाजामध्ये तळागाळात काम करणाऱ्या आशा वर्कर यांचे कार्य खुप कौतुकस्पद आहे. अत्यंत कमी मानधन असतानाही त्या आरोग्यसेविका म्हणुन काम करत असतात. त्यांचाही सन्मान होणे आवश्यक आहे. म्हणुन महिला दिनानिमित्त आशा वर्कर यांनाही साडी चोळी देऊन संस्थेच्या वतीने सन्मानित करण्यात आला.
यावेळी कार्यक्रमाला अनेक शेतकरी महिला उपस्थित होत्या. त्या सर्वांना प्रमुख पाहुण्या म्हणुन मान देण्यात आला. हिराबाई दसगुडे, मंदाबाई दसगुडे, चंदाबाई दसगुडे, ताराबाई दसगुडे या महिला होत्या. तसेच आशा वर्कर कौशल्या दसगुडे, मिरा दसगुडे, महाजन तसेच ग्रामपंचायत सदस्या नंदा दसगुडे, अंगणवाडी शिक्षिका उर्मिला दसगुडे, कविता दसगुडे, बायसाबाई दसगुडे, मयुरी दसगुडे आदी महिला मान्यवर उपस्थित होत्या.
न्हावरे (अक्षय टेमगिरे) शिरुर तालुक्यातील न्हावरे-निर्वी अष्टविनायक महामार्गावर आज बुधवार (दि 29) दुपारी सुमारे १२…
शिंदोडी (तेजस फडके) शिरुर तालुक्यात एक धक्कादायक प्रकार समोर आला असून, एका व्यक्तीने पुण्याला काम…
मुंबई: देशातील प्रतिष्ठित पत्रकार संघटनांपैकी एक असलेल्या Mumbai Press Club ने आपल्या तीन सदस्यांची हकालपट्टी…
मुंबई: राज्यातील पर्यटन क्षेत्र अधिक सक्षम, परिणामकारक आणि पर्यटकाभिमुख करण्यासाठी पायाभूत सुविधा मजबूत करणे, सेवांचा…
सोशल मीडियातून मैत्री करून लॉजवर नेऊन अत्याचार; अश्लील व्हिडिओद्वारे ब्लॅकमेल केल्याचा आरोप, १५ हून अधिक…
मुंबई: राज्यातील कामगार क्षेत्रातील कायदे अधिक सुलभ, पारदर्शक आणि प्रभावी करण्याच्या उद्देशाने महाराष्ट्र शासनाने महत्त्वपूर्ण…