माहेर संस्थेला मिळाला १८८ वा जावई

अनाथ नेहाला देखील मिळाला आयुष्यभराचा जोडीदार

शिक्रापूर: वढु बुद्रुक (ता. शिरुर) येथील अनाथ मुले, मुली यांसह महिलांसाठी कार्यरत असलेल्या माहेर संस्थेने आज पर्यंत बरेच अनाथ निराधार युवती व विधवा महिलांचे विवाह सोहळा साजरे केले असून माहेर संस्थेत नुकताच १८८ वा विवाह सोहळा पार पडला असल्याने माहेर संस्थेला १८८ वा जावई मिळाला असून नेहाला आयुष्यभराचा जोडीदार मिळाला आहे.

वढु बुद्रुक (ता. शिरुर) येथील माहेर संस्थेमध्ये काही दिवसांपूर्वी अपघातातून बचावलेली तसेच कोणी पालक नसलेली नेहा पोलिसांच्या माध्यमातून दाखल झाली होती. माहेर संस्थेतून मिळालेल्या आश्रय व शिकवणीमुळे नेहा मोठी झाली. नुकताच तिचा विवाह सांगली येथील उद्योजक श्रीकांत शेंडे यांचे चिरंजीव सुबोध यांच्याशी ठरला असता तर मधुसूदन गुरुजी यांच्या हस्ते संपन्न झाला. यावेळी माहेर संस्थेच्या संस्थापिका लुसी कुरीयन, माहेर संस्थेचे व्यवस्थापक विश्वस्थ योगेश भोर, सहसंचालक रमेश दुतोंडे, मिनी एम. जे, माया शेळके, तुषार जोशी, रमेश चौधरी, विक्रम भुजबळ, यांसह आदी मान्यवर व पदाधिकारी उपस्थित होते.

सदर विवाह यशस्वी होण्यासाठी माहेर संस्थेतील सामाजिक कार्यकर्ते माया शेळके, अनिता भालेराव, अतुल शेळके, विष्णू सूर्यवंशी, विक्रम भुजबळ, अनिता दुतोंडे, निता सुर्यवंशी, वसंतराव यादव, विष्णू सुर्यवंशी, अमोल त्रिभुवन यांसह आदी उपस्थित होते. सदर विवाह यशस्वी होण्यासाठी माहेर संस्थेतील सर्व सदस्यांनी विशेष परिश्रम घेतले. नुकत्याच संपन्न झालेल्या विवाह सोहळ्याने अनाथ असलेल्या नेहाला कायमचे पालक व आयुष्यभराचा जोडीदार मिळाला आहे. दरम्यान माहेर संस्थेच्या संस्थापिका लुसि कुरियन यांनी सर्वांचे आभार मानले.