रांजणगाव गणपती (सुनील जिते) रांजणगाव औद्योगिक वसाहतीतील महाराष्ट्र एन्व्हायरो पॉवर लिमिटेड (MEPL) कंपनीतून कोणतीही प्रक्रिया न करता सांडपाणी बाहेर टाकण्यात येत आहे. खासदार डॉ अमोल कोल्हे यांनी बुधवार (दि २३) रोजी निमगाव भोगी परीसरात ग्रामस्थांसह पाहणी केली. यावेळी डॉ कोल्हे यांनी दुषित पाण्याबाबत अधिकाऱ्यांना चांगलेच फैलावर घेतले.
महाराष्ट्र एन्व्हायरो पॉवर लिमिटेड (MEPL) या कंपनीतुन सोडण्यात येणाऱ्या दुषित पाण्यामुळे आसपासच्या गावांतील ओढे-नाले, विहिरी, बोअरवेलच्या पाण्यात निकेल, कॅडमिअम, लीड यांसारखे धोकादायक घटक मोठ्या प्रमाणात आढळत आहेत. त्यामुळे येथील जलस्रोत पुर्णपणे खराब झाले आहेत.
MEPL कंपनीच्या या बेजबाबदार कारभारामुळे अण्णापुर, निमगाव भोगी, कारेगाव, फलकेमळा, सरदवाडी, ढोकसांगवी अशा अनेक गावातील पिण्याच्या पाण्याचे, शेतीच्या पाण्याचे जलस्रोत प्रदूषित झाले असून यामुळे हजारो एकर शेतजमीन नापीक झाली आहे. पिण्याच्या पाण्याचे स्रोत प्रदूषित झाल्यामुळे अनेक गावांतील नागरिकांना कॅन्सरसारख्या जीवघेण्या आजारांचा सामना करावा लागत आहे.
देशाचे माजी कृषीमंत्री शरद पवार हे बुधवार (दि २३) रोजी रांजणगाव MIDC तील MEPL कंपनीला भेट देऊन पाहणी करणार होते. परंतु काही कारणास्तव शरद पवार यांचा दौरा रद्द झाला. त्यामुळे शरद पवार यांच्याच सुचनेनुसार खासदार डॉ अमोल कोल्हे यांनी निमगाव भोगी याठिकाणी भेट देऊन त्या परीसराची पाहणी केली.
यावेळी उपस्थित असलेल्या अधिकाऱ्यांना खासदार डॉ कोल्हे खालील सूचना दिल्या
१) प्रदुषण नियंत्रण महामंडळाने MEPL कंपनीतुन बाहेर पडणाऱ्या पाण्याची तपासणी करावी. तसेच, या सांडपाण्यावर बाहेर पडण्यापूर्वी काय प्रक्रिया करण्यात येते याबाबत सविस्तर अहवाल सादर करावा.
२) कृषी विज्ञान केंद्र, नारायणगाव व महाराष्ट्र शासनाच्या कृषी विभागाकडून परिसरातील मृदेच्या गुणवत्तेचा अहवाल तयार करावा.
३) MEPL च्या बेजबाबदारपणामुळे नापीक झालेल्या जमिनींचे पुनरुज्जीवन कृषी विज्ञान केंद्राच्या माध्यमातून करण्याचा प्रस्ताव तयार करणे व याची जबाबदारी MEPL ने घेणे.
४) शिरुर पंचायत समितीच्या माध्यमातून प्रदूषणामुळे मृत झालेले जलस्रोत पुनरुज्जीवित करण्यासाठी लवकरात लवकर कार्यवाही करणे.
यावेळी माजी आमदार अशोक पवार, माजी जिल्हा परिषद सदस्य शेखर पाचुंदकर, खरेदी-विक्री संघाचे संचालक संभाजी भुजबळ, निमगाव भोगीच्या सरपंच ज्योती सांबारे, निमगाव सोसायटीचे अध्यक्ष उत्तम व्यवहारे, माजी सरपंच अंकुश इचके, हिलिंग लाईव्ह चे समन्वयक संतोष सांबारे, धर्मराज रासकर, लक्ष्मण सांबारे, दिपक राऊत, सचिन सांबारे, केशव शिंदे, महेश रासकर, स्वप्नील वीर यासंह अनेक ग्रामस्थ उपस्थित होते.
तर महाराष्ट्र प्रदूषण नियंत्रण मंडळाचे उपप्रादेशिक अधिकारी बी. एम. कुकडे, एमआयडीसीच्या प्रादेशिक अधिकारी अर्चना पठारे, उपअभियंता मिलिंद कासार,गटविकास अधिकारी महेश डोके, नायब तहसिलदार विनय कोलवलकर, जिल्हा अधिक्षक कृषि अधिकारी संजय काचोळे, उपविभागीय कृषि अधिकारी सतिश शिरसाठ, तालुका कृषी अधिकारी सुवर्णा आदक, नारायणगाव येथील कृषि विज्ञान केंद्राचे शास्त्रज्ञ डॉ. योगेश यादव, निमगाव भोगीच्या ग्रामपंचायत अधिकारी के. एम. गवळी, ढोकसांगवीचे ग्रामपंचायत अधिकारी सदानंद फडतरे आदी यावेळी उपस्थित होते.
रांजणगाव औद्योगिक वसाहतीत रासायनिक उद्योगांना निर्बंध असूनही ही कंपनी रासायनिक प्रक्रिया उद्योग करत आहे. मात्र, महाराष्ट्र प्रदूषण नियंत्रण मंडळाकडून या कंपनीला नेहमीच क्लीन चीट दिली जात आहे. याबाबत माझा संघर्ष यापुढेही सुरू राहणार असून माझ्या जीवाभावाच्या माणसांना या जीवघेण्या संकटातून मुक्त केल्याशिवाय मी स्वस्थ बसणार नाही.
डॉ अमोल कोल्हे
खासदार, शिरुर लोकसभा
शिरूर तालुक्यातील ९६ ग्रामपंचायतींच्या सरपंचपदाचे आरक्षण जाहीर; कहीं खुशी, कहीं गम
मलठणमध्ये भीषण अपघात 19 वर्षीय तरुणाचा मृत्यू, चालक अपघातस्थळावरून फरार
रांजणगाव गणपती (तेजस फडके) रस्त्याच्या मध्यभागी उभी केलेली दुचाकी बाजूला घेण्यास सांगितल्याच्या कारणावरुन काही गुंड…
पुणे: राष्ट्रवादी काँग्रेसचे युवा नेते जय अजितदादा पवार यांनी आज पुण्यातील सीआयडी कार्यालयात संबंधित अधिकाऱ्यांची…
‘विकासाला विरोध नाही, विनाशाला विरोध’; कर्जत-भीमाशंकरमधील वृक्षतोडीची उद्या सपकाळ करणार पाहणी मुंबई: कर्जत-भीमाशंकर परिसरात प्रस्तावित…
सुनेत्रा पवारांकडून नियुक्त्यांची घोषणा; पार्थ पवारांच्या उपस्थितीत नियुक्तीपत्र प्रदान मुंबई : राष्ट्रवादी काँग्रेस पक्षात महत्त्वाच्या संघटनात्मक…
गडचिरोली : प्रस्तावित विमानतळासाठी शेतकऱ्यांच्या सुपीक जमिनींचे अधिग्रहण करण्यास विरोध करत काँग्रेसचे विधिमंडळ नेते विजय…
शिरूर (तेजस फडके) : शिरूर तालुक्यात सामाईक विहिरीवरील पाण्याची मोटार बंद केल्याचा जाब विचारणे आणि…