मयत मतदारांची नावे मतदार यादीतून वगळली जाणार…

प्रत्येक मतदान केंद्रावरील केंद्रस्तरीय अधिकारी यांच्याकडून मयत मतदारांची यादी निवडणुक विभागाने मागविली आहे. त्यापैकी ग्रामपंचायतीच्या जन्म मृत्यू नोंदवहीत ज्यांच्या मृत्यूची नोंद असेल अशा मतदारांची नावे मतदार यादीतून वगळण्यात येणार आहेत. शिक्रापूर गावातील ३१ मयत मतदारांची नावे नुकतीच या पद्धतीने वगळण्यात आली आहेत.

मयत मतदारांच्या कुटुंबियांनी ऑनलाईन पद्धतीने नमुना ७ चा अर्ज भरल्यास देखील अशी नावे कमी करता येतील. या माध्यमातून मतदार यादी अधिकाधिक परिपूर्ण करण्याचा प्रशासन प्रयत्न करीत असल्याचे उपविभागीय अधिकारी तथा मतदार नोंदणी अधिकारी संतोषकुमार देशमुख यांनी सांगितले.