शिरूर तालुका

नविन कामगार कायदे सर्वांच्या धोक्याचे: यशवंत भोसले

शिक्रापूर (शेरखान शेख): सध्या सरकार कामगार कायद्यांमध्ये मोठ्या प्रमाणात बदल करत असून कामगारांना अंधारात ठेऊन राज्यकर्त्यांना हवे त्या पद्धतीने कायदे बनवण्यात आले लवकरच हे कायदे सरकार चालू करण्याच्या मार्गावर असून नवीन कामगार कायदे कामगारांसह शेतकरी, व्यापारी यांच्या धोक्याचे असल्याचे मत राष्ट्रीय श्रमिक आघाडीचे अध्यक्ष यशवंत भोसले यांनी व्यक्त केले आहे.

सणसवाडी (ता. शिरुर) येथे राष्ट्रीय श्रमिक आघाडीच्या वतीने कामगार मेळाव्याचे आयोजन करण्यात आले होते. यावेळी बोलताना राष्ट्रीय श्रमिक आघाडीचे अध्यक्ष यशवंत भोसले बोलत होते. याप्रसंगी राष्ट्रीय श्रमिक आघाडीचे समन्वयक सुशांत इनामदार, शिरुर तालुकाध्यक्ष रेवणनाथ गायकवाड, जातेगावचे माजी सरपंच समाधान डोके, नितीन दरेकर, दिनेश पाटील, मधुकर भुजबळ, अमोल कुंभार, सोमनाथ गायकवाड, अमोल घोरपडे, दिपक पाटील, साहेबराव घोरपडे, विलास ठोंबरे, केतन दरेकर, सतीश तरडे यांसह आदी पदाधिकारी व कामगार उपस्थित होते.

यावेळी बोलताना सध्याच्या बदलणाऱ्या कामगार कायद्यामुळे कायमस्वरुपी कामगारांना देखील कंपनी हवे तेव्हा कामावरून कमी करु शकते, 300 पेक्षा कमी कामगार संख्या असलेले कारखाने कारखानदार कारखाने कधीही बंद करु शकतात. त्यासाठी त्यांना शासनाच्या परवानगीची गरज नाही असे नवीन कायदे येऊ पाहत आहेत. कोरोनाचा फायदा घेत अनेक कामगारांना देशोधडीला लावण्याच्या घटना घडल्या आहेत, शेकडो कामगार कारखान्यात मयत झाले. मात्र एकाही मालकावर गुन्हा नाही.

सध्या ऑनलाईनच्या काळामध्ये नागरिकांना ऑनलाईन खरेदीची सवय लावण्यात येत असल्याने लहान लहान उद्योग बुडू लागले परंतु काही वर्षांनी हेच ऑनलाईन विक्रीतील वस्तू महाग करण्याचा यांचा प्रयत्न आहे. सध्याचे सरकार कामगारांच्या हिताचे नसून उद्योगपतींच्या हिताचे आहेत.

कामगारांच्या मतावर सरकार निर्माण होत असते. मात्र कामगारांना वाऱ्यावर सोडण्याचे काम त्यांच्याकडून होत असल्याचे देखील यशवंत भोसले यांनी सांगत कोणत्याही परिस्थितीत मी कामगारांना वाऱ्यावर सोडणार नाही आणि कामगारांचे नुकसान होऊ देणार नाही, असा इशारा देखील सरकारला दिला आहे. सदर कार्यक्रमाचे सूत्रसंचालन योगेश झांजे यांनी केले, तर आभार शिरुर तालुकाध्यक्ष रेवणनाथ गायकवाड यांनी मानले.

शिरूर तालुका टीम

Recent Posts

झी मराठीच्या मालिकांमध्ये रंगणार भावनिक घडामोडींचा आठवडा; गुरुकुलवर वाडेकरांचा डाव, आनंदीचा परदेशवारीचा निर्णय!

मुंबई : झी मराठी वाहिनीवरील लोकप्रिय मालिकांमध्ये या आठवड्यात अनेक रंजक, भावनिक आणि नाट्यमय घडामोडी…

48 मिनिटे ago

जिल्हा न्यायालयांतील ३४ हजार कर्मचारी संपावर; न्याय देणाऱ्या व्यवस्थेतच न्यायाचा प्रश्न!

महाराष्ट्रातील जिल्हा न्यायालयांमधील तब्बल ३४ हजार कर्मचारी आपल्या न्याय्य मागण्यांसाठी संपावर जाण्याची वेळ येणे, ही…

1 तास ago

जलद गतीच्या व्यायामांमुळे रक्तातील साखर वाढू शकते?

चालणे, योगासन करणे आणि जास्त हालचालींचे बहुतेक प्रकार शरीराला ग्लुकोजचे चांगले नियमन करण्यास मदत करतात.…

3 तास ago

घरच्या घरी ब्लड प्रेशर कसे तपासावे

सध्याच्या धावपळीच्या आयुष्यात आपण आरोग्याकडे आणि आहाराकडे दुर्लक्ष करतो, त्यामुळे अनेक आरोग्याच्या समस्या वाढताना दिसत…

3 तास ago

मनात विचारांचं काहूर, सतत चिडचिड होते? तुम्हालाही स्ट्रेस छळतोय ना, वाचा ४ सोपे उपाय

आपले मन आणि शरीर निरोगी असणं फार गरजेचे आहे. शारीरिक आरोग्यासह मानसिक आरोग्य जपायला हवे.…

16 तास ago

पाणी पिण्याची योग्य पद्धत

पाणी हे संपूर्ण आहारातील अतिशय महत्त्वाचा घटक असतो. शरीराचा ७० टक्के भाग हा पाण्याने व्यापलेला…

16 तास ago