शिरुर (तेजस फडके) शिरुर तालुक्यात तहसिल प्रशासनाची बेपर्वाई आणि निष्काळजीपणा वेळोवेळी उघड होत असुन तक्रारदाराने वाळू माफियां किंवा मुरुम माफिया यांच्या विरोधात दिलेली गोपनीय माहिती आणि तक्रारदाराच नाव संबंधित वाळू किंवा मुरुम माफिया पर्यंत सोयीस्करपणे पोहोचवायचं काम तहसिल कार्यालयातील अधिकारी व कर्मचारी करत असल्याचा धक्कादायक प्रकार उघडकीला आला आहे.
शासनाच्या नियमांनुसार तक्रारदाराचे नाव गुप्त ठेवणे ही प्रशासनाची जबाबदारी आणि मूलभूत कर्तव्य आहे. पण शिरुर तालुक्यातील वास्तव अगदी वेगळे आहे. उलट तक्रार करणाऱ्यालाच उघडे पाडून आरोपींचे हात बळकट करण्याचे काम काही अधिकाऱ्यांकडून होत असल्याचे स्पष्ट संकेत मिळत आहेत. त्यामुळे नागरिकांच्या सुरक्षिततेवरच प्रश्नचिन्ह निर्माण झाले आहे.
अवैध धंद्याच्या तक्रारी केल्यावर मिळतेय धमकी…?
शिरुर तालुक्यातअनेक गावातील अवैध धंदे, भ्रष्टाचार, शासकीय योजनांमधील अनियमितता किंवा स्थानिक पातळीवरील गैरप्रकारांची माहिती प्रशासनाला दिल्यानंतर तक्रारदारांचे नावच थेट संबंधित व्यक्तीपर्यंत पोहोचते. परिणामी त्या व्यक्तीकडुन तक्रारदारांवर दबाव, धमक्या आणि दडपशाही करण्याचे प्रकार सुरु झाले आहेत. यामुळेच तालुक्यातील सामान्य नागरिक अवैध धंद्याविषयी तक्रार करायला धजावत नाहीत. त्यामुळे बेकायदेशीर अवैध धंद्याना याच कारणामुळे उघडपणे चालना मिळत आहे.
कुंपणचं जर शेत खात असेल तर…?
जर प्रशासनानेच गोपनीयता जपली नाही, तर मग सामान्य माणूस न्याय कुणाकडे मागणार…? प्रशासनाने नागरिकांच्या सुरक्षिततेसाठी उभे राहण्याऐवजी “गुन्हेगारांचे हात मजबूत केले” तर सर्वसामान्य लोकांचं काय…? “अवैध धंद्याची तक्रार करुनही जर प्रशासन तक्रारदाराचेच नाव उघड करत असेल, तर लोकशाहीतील जनतेला दिलेले संरक्षण केवळ कागदावरच आहे.
सामाजिक कार्यकर्त्यांची खंत…
“तक्रारदाराचे नावच आरोपींना सांगायचे, मग नागरिकांनी तक्रार करायचीच कशाला? प्रशासन गुन्हेगारांना वाचवतेय की नागरिकांचे रक्षण करतेय…? अशा अधिकाऱ्यांवर तातडीने कारवाई झाली पाहिजे, नाहीतर लोकशाहीची गळचेपी प्रशासनच करीत आहे.”हे प्रकार थांबले नाहीत तर प्रशासनावरील जनतेचा विश्वास पूर्णपणे ढासळेल,” अशी तीव्र प्रतिक्रिया काही सामाजिक कार्यकर्त्यांनी दिली आहे.
दरम्यान, या प्रकाराची जिल्हाधिकारी स्तरावर चौकशी व्हावी आणि दोषींवर कठोर कारवाई व्हावी, अशी नागरिकांची मागणी आहे. तक्रारदारांचे प्राण धोक्यात घालणारे असे “गोपनीयता भंग” प्रकार तातडीने थांबले नाहीत. तर शिरुर तालुक्यातील नागरिकांच्या सुरक्षिततेचा प्रश्न ऐरणीवर येणार आहे.
शिरुर तालुक्यात अनेक लॉजवर वेश्या व्यवसाय जोमात; कारवाईची मागणी
Video; शिरुरमध्ये अमोल ज्वेलर्सवर दरोडा; लाखो रुपयांचा ऐवज लंपास
शिरुर तालुक्यात घरफोडी; ४८ हजारांचे सोन्या-चांदीचे दागिने लंपास
शिरूर (तेजस फडके) : शिरूर तालुक्यात आज (शुक्रवार) ग्रामपंचायत निवडणुकांच्या पार्श्वभुमीवर वार्डनिहाय आरक्षण सोडतीची प्रक्रिया…
शिरूर (तेजस फडके) : रांजणगाव एमआयडीसी परिसरातील एका नामांकित औषध निर्मिती कंपनीच्या वरिष्ठ अधिकाऱ्यांना कंपनी…
मुंबई: कुर्ला मतदारसंघातील लोकाभिमुख विकासकामांसाठी निधीची कोणतीही कमतरता भासू दिली जाणार नाही. नेहरूनगर येथील पोलीस…
मुंबई: राजकारणात काही गोष्टी इतक्या उघडपणे घडतात की त्यावर भाष्य करण्यासाठी दुर्बिणीची गरज नसते; फक्त…
मुंबई: राज्यातील तांत्रिक शिक्षण क्षेत्रातील विद्यार्थ्यांना अधिक सुलभ, वेगवान आणि पारदर्शक सेवा उपलब्ध करून देण्यासाठी…
पुणे: पुण्यातील दापोडी आणि हडपसर परिसरातील विषारी दारू प्रकरणाची शिवसेना नेत्या व विधान परिषदेच्या उपसभापती…