शिरूर तालुका

रांजणगाव MIDC पोलिसांनी नागरिकांना दिले ‘सरप्राईज गिफ्ट’

३.७५ लाखांचे हरवलेले मोबाईल मूळ मालकांना केले परत

रांजणगाव गणपती (तेजस फडके): रांजणगाव MIDC पोलीस स्टेशनच्या हद्दीतील कारेगाव, रांजणगाव परिसर तसेच आठवडे बाजार आणि प्रवासादरम्यान हरवलेल्या मोबाईल फोनबाबत अनेक तक्रारी पोलीस स्टेशनमध्ये दाखल झाल्या होत्या. हरवलेले मोबाईल शोधून ते मूळ मालकांना परत मिळवून देण्याबाबत नव्याने रुजू झालेले पोलीस निरीक्षक कुमार कदम यांनी सूचना दिल्यानंतर तपास पथकाने विशेष मोहीम राबवून उल्लेखनीय यश मिळवले.

पोलीस निरीक्षक कुमार कदम यांच्या मार्गदर्शनाखाली तपास पथकातील पोलीस कॉन्स्टेबल उमेश कुतवळ यांनी मोबाईल ट्रेसिंगद्वारे हरवलेल्या मोबाईलचे तांत्रिक विश्लेषण सुरु केले. अनेक नागरिक हरवलेला मोबाईल परत मिळण्याची आशा सोडून देतात. मात्र सन २०२५ पासून आतापर्यंत हरवलेल्या मोबाईलपैकी तब्बल ३ लाख ७५ हजार रुपये किमतीचे १५ मोबाईल फोन शोधून काढण्यात रांजणगाव MIDC पोलीस स्टेशनच्या तपास पथकाला यश आले.आज (दि ४ जुलै) रोजी पोलीस निरीक्षक कुमार कदम यांच्या हस्ते हे सर्व मोबाईल त्यांच्या मूळ मालकांना परत करण्यात आले. हरवलेले मोबाईल परत मिळाल्याने संबंधित नागरिकांनी रांजणगाव MIDC पोलिसांचे आभार मानत, पोलिसांकडून आम्हाला “सरप्राईज गिफ्ट” मिळाले अशी भावना व्यक्त केली.

सदरची कामगिरी पुणे ग्रामीणचे पोलिस अधिक्षक संदीप सिंह गिल्ल, अपर पुण्याचे पोलीस अधीक्षक शुभम कुमार, , उपविभागीय पोलीस अधिकारी, खेड विभाग (अतिरिक्त कार्यभार शिरूर उपविभाग) अमोल मांडवे, यांच्या मार्गदर्शनाखाली पार पडली.हि मोहीम यशस्वी करण्यासाठी पोलीस निरीक्षक कुमार कदम, सहायक पोलीस फौजदार दत्तात्रय शिंदे आणि पोलीस कॉन्स्टेबल उमेश कुतवळ यांनी विशेष परिश्रम घेतले.यावेळी पोलीस निरीक्षक कुमार कदम यांनी सांगितले की, रांजणगाव MIDC पोलीस स्टेशन हद्दीत हरवलेल्या मोबाईलचा शोध घेण्याचे काम सातत्याने सुरु असून, नागरिकांनी मोबाईल हरवल्यास तात्काळ पोलीस स्टेशनमध्ये तक्रार नोंदवावी, असे आवाहनही त्यांनी केले.

शिरूर तालुका टीम

Recent Posts

मनात विचारांचं काहूर, सतत चिडचिड होते? तुम्हालाही स्ट्रेस छळतोय ना, वाचा ४ सोपे उपाय

आपले मन आणि शरीर निरोगी असणं फार गरजेचे आहे. शारीरिक आरोग्यासह मानसिक आरोग्य जपायला हवे.…

11 तास ago

पाणी पिण्याची योग्य पद्धत

पाणी हे संपूर्ण आहारातील अतिशय महत्त्वाचा घटक असतो. शरीराचा ७० टक्के भाग हा पाण्याने व्यापलेला…

11 तास ago

थापाडे कोण, हे महाराष्ट्राला ठाऊक! एकनाथ शिंदेंचा उद्धव ठाकरेंवर घणाघात

अमित शाह यांच्यावरील टीकेला शिंदेंचे प्रत्युत्तर; शेतकरी प्रश्नांवरूनही विरोधकांना सुनावले मुंबई : केंद्रीय गृहमंत्री अमित शाह…

11 तास ago

सात दशकांच्या अभिनय प्रवासातील आठवणींना उजाळा; ‘चित्रपताका’मध्ये ज्येष्ठ अभिनेत्री शुभा खोटेंच्या गप्पांनी रंगली मैफल!

‘क्वीन ऑफ द कॉमेडी... गप्पा शुभा खोटेंशी!’ या विशेष मुलाखतीत उलगडला हिंदी चित्रपटसृष्टीतील सुवर्णकाळ; मेहमूद,…

11 तास ago

दुष्काळात पशुधनाला चाऱ्याचा आधार! ‘व्हीबी जी राम जी’ योजनेंतर्गत चारा लागवडीला प्रोत्साहन

मुंबई: राज्यातील दुष्काळी परिस्थितीमुळे पशुधनासाठी निर्माण होणारी चारा टंचाई दूर करण्यासाठी शासनाने महत्त्वपूर्ण निर्णय घेतला आहे.…

11 तास ago

वोटचोरीच्या मुद्द्यावर निवडणूक आयोगाला घुमजाव करावे लागले

राहुल गांधींच्या आंदोलनाचा परिणाम; आशिष शेलारांनी आधी माहिती घ्यावी, ॲड. संदेश कोंडविलकरांचा पलटवार मुंबई: लोकसभेतील…

11 तास ago