शिक्रापूर ग्रामीण रुग्णालयचे डॉ. वैजनाथ काशीद यांना बढती

शिक्रापूर: शिक्रापूर (ता. शिरुर) येथील ग्रामीण रुग्णालयचे वैद्यकीय अधिकारी डॉ. वैजनाथ गंगाराम काशीद यांची नुकतीच सेवा कार्यकाळानुसार वैद्यकीय अधीक्षकपदी बढती झाली आहे.

डॉ. काशीद हे शिक्रापूर ग्रामीण रुग्णालय येथे २०१४ मध्ये रुजू झाले होते. त्यानंतर त्यांनी सदर ठिकाणी वेगवेगळ्या सुविधा उपलब्ध करण्यासाठी विशेष परिश्रम घेत आपल्या कार्याचा वेगळाच ठसा निर्माण केला, तर ग्रामीण भागातील नागरिकांच्या अडचणी समजून घेत त्यांना उत्तम सुविधा देत ग्रामीण जनमानसाच्या मनात आपले स्थान निर्माण केले होते. त्यांची बढती झाल्याने त्यांचे कौतुक होत असताना या भागातील नागरिक डॉ. काशीद आता वैद्यकीय अधीक्षक म्हणून दुसऱ्या ठिकाणी जाणार असल्याने डोळ्यावर आसू आणत आहेत, तर शिक्रापूर येथील नागरिकांनी माझ्यावर केलेले प्रेम मी कदापि विसरू शकत नाही अशी भावना डॉ. काशीद यांनी व्यक्त केली.