शिरुर तालुक्यातील पश्चिम भागातील बस सेवा बंद केल्यास आंदोलनचा इशारा

शिक्रापूर: केंदूर (ता. शिरुर) सह शिरुर तालुक्यातील पश्चिम भागातील नागरीकांसाठी एकमेव पर्याय असणारी PMPL ची बससेवा तोट्यात असल्याने बंद करण्याचा विचार आल्याची माहिती वाहतुक व्यवस्थापक दत्तात्रय झेंडे यांनी प्रसिद्ध केलेली होती. मात्र सदर बस सेवा बंद केल्यास आंदोलन करण्याचा इशारा या भागातील नागरिकांनी दिला आहे.

केंदूर (ता. शिरुर) सह पुणे जिल्ह्यातील तब्बल २५ बस मार्ग बंद करण्यात येणार असुन त्यामध्ये केंदूर ते वाघोली तसेच भोसरी ते पाबळ यांचा समावेश असल्याने येथील विद्यार्थी व नागरीक चिंतेत पडलेले आहेत. त्यासंदर्भात नुकतेच संबंधित अधिकारी यांना देण्यात आले. यावेळी विकास दरेकर, कांताराम नप्ते, अविनाश साकोरे, महेंद्र झेंडे, संतोष दरेकर यांसह आदी उपस्थित होते.

केंदूर, पाबळ तसेच परिसरातील वाड्या वस्त्यांसाठी या दोनच बस सेवा असुन या व्यतीरिक्त कोणतीच सुविधा या भागासाठी उपलब्ध नसून पाबळ येथील जैन मंदिर, मस्तानी कबर तसेच केंदूर येथील संत कान्हेराज, केंद्राई मंदिर यांच्या दर्शनासाठी भावीक येत असतात. तसेच सदर भागातील शेतकरी कुटुंबातील विद्यार्थी पुणे, वाघोली, भोसरी या भागात शिक्षणासाठी जात असतात.

परंतु बस सेवेच्या या निर्णयामुळे येथील नागरीक संतप्त झालेले असुन करंदी, केंदूर, पाबळ येथील नागरीक आंदोलनाच्या तयारीत आहेत. करंदी ते वाघोली ही बससेवा गेली ७ ते ८ वर्षांपासुन सुरु आहे. ही सेवा मनपा पर्यंत असताना देखील संबंधित अधिकाऱ्यांनी वाघोली पर्यंत केली. त्यामुळे या दोनही बस सेवेचा फेरविचार व्हावा, अशी मागणी येथील नागरीकांनी केली आहे.