शिरूर तालुका

Video: वाघाळे येथील कालिकामाता यात्रा मोठ्या उत्साहात संपन्न…

वाघाळे: वाघाळे (ता. शिरूर) येथील कालिका माता यात्रा उत्सव दोन दिवस मोठ्या उत्साहात व भक्तीमय वातावरणात साजरा झाला. यात्रेच्या पहिल्या दिवशी शुक्रवारी (ता. ७) ग्रामपंचायत प्रशासन यात्रा कमिटी व ग्रामस्थांच्या वतीने भव्य पालखी मिरवणूक, काठीची मिरवणूक काढून देवीला साडीचोळी अर्पण करण्यात आली. सायंकाळी कै. तुकाराम खेडकर सह पांडुरंग मुळे मांजरवाडीकर यांचा लोकनाट्य तमाशाचा नागरिकांसह पै-पाहुण्यांनी आनंद लुटला.

शनिवारी (ता. ८) सकाळी तमाशाचा हजेरीचा कार्यक्रम पार पडला. सायंकाळी कुस्ती स्पर्धेचे आयोजन करण्यात आले होते. या कुस्ती स्पर्धेमध्ये पुणे जिल्ह्यासह विविध ठिकाणांहून आलेल्या पहिलवानांनी सहभाग नोंदवला. आनंदराव सोनवणे, राजेंद्र भोसले, सुहास काटे यांनी पहिलवानांच्या कुस्त्या लावल्या. कुस्त्यांचा आखाडा पाहण्यासाठी मोठी गर्दी झाली होती. सायंकाळी ‘चंद्रकला’ या मराठी व हिंदी गाण्यांच्या ऑर्केस्ट्राचे आयोजन करण्यात आले होते. आर्केस्ट्रालाही मोठा प्रतिसाद मिळाला.

वाघाळे गावामध्ये यात्रेनिमित्त अनेक हॉटेलधारकांनी दुकाने थाटली होती. लहान मुलांना खेळण्यासाठी विविध खेळ उपलब्ध झाले होते. महिलांनी खरेदीचा आनंद लुटला. दोन दिवस मोठ्या उत्साहात यात्रा पार पडली. रांजणगाव एमआयडीसीच्या पोलिसांनी चोख बंदोबस्त ठेवला होता. यामुळे कोणताही अनुचित प्रकार घडला नाही.

वाघाळे गावची यात्रा उत्सव यशस्वी करण्यासाठी ग्रामपंचायत वाघाळे, कालिका माता यात्रा कमिटी वाघाळे यांचे योगदान लाभले. यावेळी लहुशेठ थोरात, संचालक खरेदी-विक्री संघ शिरूर, राजेंद्र भोसले मा. उपसरपंच, अमोल धरणे मा. सरपंच, राजेंद्र धायबर ग्रामपंचायत सदस्य, सुहास काटे अध्यक्ष शेतकरी संघटना, आनंदराव सोनवणे मा. चेरमन. जयेंद्रकुमार सोनवणे, ओंकार थोरात अध्यक्ष कलासागर प्रतिष्ठाण, बाळासाहेब शेळके, विशाल शेळके, अमित सोनवणे, दिगंबर बढे, संदीप शेळके, किसनराव गोरडे वाल्मिक गावडे, गजानन थोरात, बाळासाहेब सोनवणे, दिलीप थोरात, संदीप धायबर, शरद धायबर, संतोष गोरडे, गौतम कारकूड आदी मान्यवर उपस्थित होते.

वाघाळे येथील कालिकामाता यात्रेत तब्बल ५०० बैलगाडे अन् Live Video…

Video: वाघाळे येथील कालिकामाता यात्रा मोठ्या उत्साहात साजरी!

वाघाळे येथे 24 वर्षानंतर माजी विद्यार्थी आले एकत्र!

कालिकामाता विद्यालय वाघाळे येथील विद्यार्थी तब्बल ३१ वर्षांनी आले एकत्र!

शिरूर तालुका टीम

Recent Posts

महाविकास आघाडीने विकासाची लिंक मिस केली; आम्ही ती वेगाने कनेक्ट केली; एकनाथ शिंदे

रायगड: “महाविकास आघाडी सरकारने महाराष्ट्राच्या विकासाची ‘लिंक’च मिस केली होती; मात्र आम्ही ती केवळ जोडली…

4 तास ago

पुरोगामी महाराष्ट्राचा गायपट्टा करण्याचा सत्ताधा-यांचा डाव; हर्षवर्धन सपकाळ

मुंबई: शिव-शाहू-फुले-आंबेडकरांच्या विचारांच्या पुरोगामी महाराष्ट्राला गायपट्टा बनवण्याचा सत्ताधा-यांचा डाव आहे. महाराष्ट्र धर्म नासवण्यासाठी जाती जातीत…

4 तास ago

१०७ हुतात्म्यांच्या स्वप्नातील महाराष्ट्र कुठे? कामगार, भाषा आणि सुरक्षेच्या मुद्द्यांवर प्रश्नचिन्ह

महाराष्ट्र दिनानिमित्त वास्तवाचा आढावा; कामगार हक्क, मराठी सक्ती आणि पत्रकार सुरक्षेवर चर्चा औरंगाबाद: १ मे…

5 तास ago

पत्नी खून प्रकरणात दत्तात्रय गायकवाड निर्दोष; परिस्थितीजन्य पुरावे ठरले अपुरे

शिरूर (अरुणकुमार मोटे): शिरूर येथे २७ जुलै २०२० रोजी घडलेल्या पत्नीच्या खून प्रकरणात आरोपी दत्तात्रय…

5 तास ago

कामगार दिन व महाराष्ट्र दिनानिमित्त कामगार प्रश्नांवर प्रकाश; नव्या कायद्यांमुळे संमिश्र चित्र

मुंबई: कामगार दिन आणि महाराष्ट्र दिनाच्या पार्श्वभूमीवर राज्यातील कामगारांच्या स्थितीवर पुन्हा एकदा चर्चा सुरू झाली…

1 दिवस ago

महाविकास आघाडी एकसंघ; अंबादास दानवे यांना काँग्रेसचा ठाम पाठिंबा

मुंबई: आगामी राज्यसभा व विधान परिषद निवडणुकांच्या पार्श्वभूमीवर महाविकास आघाडी (मविआ) घटक पक्षांमध्ये सकारात्मक व…

1 दिवस ago