शिरुर (तेजस फडके) शिरुर शहरातील माहेर संस्थेतील अनाथ मुलांच्या हाकेला प्रतिसाद देत शिरुर तालुक्यातील अनेक तरुणांनी एकत्र येत १४ विद्यार्थ्यांना कॉलेजचे ड्रेस, ११वी आणि १२वी च्या ७ विद्यार्थ्यांना पुस्तके आणि सर्व मुलांना भोजन उपलब्ध करुन दिले.
शिरुर येथील माहेर संस्थेचे वसतीगृह सध्या ३५ अनाथ मुलांना निवारा व शिक्षणासाठी मदत करत आहे. शासकीय अनुदान नसल्याने हि संस्था पुर्णपणे दातृत्वावर आधारित आहे. याच पार्श्वभूमीवर संस्थेतील विशाल सर यांनी जयवंत भगत यांच्याकडे मदतीची विनंती केली. भगत यांनी ही गरज व्हॉट्सॲप स्टेटसद्वारे शेअर केली आणि या डिजिटल आवाहनाला त्वरित प्रतिसाद मिळाला.
सर्वप्रथम प्रशांत वाळुंज यांनी एका विद्यार्थ्याच्या ड्रेससाठी मदत केली. त्यानंतर निर्वी येथील शाम शेलार, गणेश शेलार, सरपंच मनिषा शरद पवार, शरद बाळासाहेब पवार, नंदकुमार सोनवणे, गुनाट येथील ॲड गणेश करपे, माऊली करपे, दत्तात्रय भगत, रामदास करपे, रमेश गाडे, ग्राम महसूल अधिकारी गणेश बिघोत, देवदैठण येथील संदीप घावटे, उरळगाव येथील अनिल सात्रस, शेवगाव येथील सायली भुजबळ, निमोणे गावचे माजी सरपंच संजय काळे आणि मंडळ कृषी अधिकारी अनिल पाटील यांनी मदतीसाठी पुढाकार घेतला.
या सर्वांनी मिळून १४ विद्यार्थ्यांना कॉलेज युनिफॉर्म, ११ वी तील ४ व १२ वी तील ३ विद्यार्थ्यांना संपुर्ण पुस्तक संच, तसेच दहावीतील विद्यार्थ्यांना नकाशा व वह्यांसह शैक्षणिक साहित्य दिले. तर शिरुर येथील अनुराधा कलेक्शन यांनी कपड्यांच्या खरेदीत तर करडे येथील श्रावणी जनरल स्टोअर्स यांनी पुस्तक खरेदीत योगदान दिले.
या उपक्रमातुन सामाजिक माध्यमांचा विधायक उपयोग कसा करता येतो, याचे उत्तम उदाहरण समोर आले आहे. दोन जीबी डेटा रील्स बघण्यात संपवणारा समाज आणि सोशल मीडियाचा वापर करून अनाथ मुलांना आधार देणारा समाज यातील फरक अधोरेखित झाला आहे.
यावेळी संदीप घावटे सर, प्रशांत वाळुंज सर, अनिल पाटील (मंडळ कृषी अधिकारी) आणि जयवंत भगत (सहाय्यक कृषी अधिकारी) यांनी विद्यार्थ्यांना करिअर मार्गदर्शन व संस्काराचे महत्त्व अधोरेखित करणारे विचार मांडले. या स्तुत्य उपक्रमासाठी मदत करणाऱ्या सर्वांनी समाजात सकारात्मक बदल घडवण्यासाठी एक नवा आदर्श निर्माण केला आहे.
शिरूर पोलिसांच्या कार्यक्षमतेवर प्रश्नचिन्ह? पोलिसांना मलिदा मिळाला का…?
शिरुर; गंभीर गुन्ह्यातील माजी पंचायत समिती सदस्याला अटक करण्यासाठी शिरुर पोलिसांना सापडेना मुहूर्त…?
शिरूरच्या भूमी अभिलेख कार्यालयात खुलेआम लाचखोरीचा सुळसुळाट; खाजगी कर्मचारी साहेबांचा खास माणूस
रायगड: “महाविकास आघाडी सरकारने महाराष्ट्राच्या विकासाची ‘लिंक’च मिस केली होती; मात्र आम्ही ती केवळ जोडली…
मुंबई: शिव-शाहू-फुले-आंबेडकरांच्या विचारांच्या पुरोगामी महाराष्ट्राला गायपट्टा बनवण्याचा सत्ताधा-यांचा डाव आहे. महाराष्ट्र धर्म नासवण्यासाठी जाती जातीत…
महाराष्ट्र दिनानिमित्त वास्तवाचा आढावा; कामगार हक्क, मराठी सक्ती आणि पत्रकार सुरक्षेवर चर्चा औरंगाबाद: १ मे…
शिरूर (अरुणकुमार मोटे): शिरूर येथे २७ जुलै २०२० रोजी घडलेल्या पत्नीच्या खून प्रकरणात आरोपी दत्तात्रय…
मुंबई: कामगार दिन आणि महाराष्ट्र दिनाच्या पार्श्वभूमीवर राज्यातील कामगारांच्या स्थितीवर पुन्हा एकदा चर्चा सुरू झाली…
मुंबई: आगामी राज्यसभा व विधान परिषद निवडणुकांच्या पार्श्वभूमीवर महाविकास आघाडी (मविआ) घटक पक्षांमध्ये सकारात्मक व…