शिक्रापूरच्या पोलिसाची गळफास घेऊन आत्महत्या

शिक्रापूर (शेरखान शेख): शिक्रापूर (ता. शिरूर) पोलीस स्टेशन येथे कार्यरत असलेले पोलीस शिपाई जितेंद्र केशव मांडगे यांनी बुधवारी सायंकाळच्या सुमारास शिरूर जवळील नवले मळा येथील विहिरीच्या राहतात दोरीच्या साहाय्याने गळफास घेतल्याची घटना घडली. मांडगे यांनी गळफास घेण्यापूर्वी जवळच्या नातेवाईकाला फोन करून मी आत्महत्या करत असल्याबाबतचे सांगून गळफास घेतला, काही वेळातच सदर ठिकाणी युवक गेले असता त्यांना जितेंद्र मांडगे यांनी विहिरीच्या रहाटस गळफास घेऊन आत्महत्या केल्याचे दिसून आले.

दरम्यान काही नागरिकांनी त्यांना उपचारासाठी शिरूर येथील माणिकचंद हॉस्पिटलमध्ये नेले असतात तेथील डॉक्टरांनी जितेंद्र उर्फ हरिभाऊ केशव मांडगे (वय ३4) रा. पिंपरी ता. पारनेर जि. अहमदनगर चा मृत्यू झाल्याचे घोषित केले. तर जितेंद्र मांडगे यांनी वैयक्तिक टेन्शन मधून गळफास घेतला असल्याचे बोलले जात असून पोलीस वर्तुळात सदर घटनेमुळे खळबळ उडाली आहे. सदर घटनेबाबत शिरूर पोलीस स्टेशन येथे आकस्मात मृत्यूची नोंद करण्यात आली असून पुढील तपास शिरूर पोलीस करत आहे.