रांजणगाव गणपती (तेजस फडके): रांजणगाव MIDC मधील टाटा स्टील चौक ते ढोकसांगवी गावाकडे जाणाऱ्या रस्त्यावर टाटा स्टील, फियाट, वाडको पॅकेजिंग, ग्रुपो अँटोलीन, बजाज, एम टेक, पॉली प्लास्टिक, नॅनको एक्झिम, अथर्व पॉलिमर, थ्री ए,जामील स्टील या कंपन्या असुन या कंपन्यांमध्ये वेगवेगळ्या प्रकारचा माल वाहतुक करणारी वाहने टाटा स्टील चौक ते ढोकसांगवी कडे जाणाऱ्या रस्त्याच्या दुतर्फा उभी केलेली असतात. त्यामुळे रोज सकाळी या रस्त्यावर वाहतूक कोंडी होत असुन या सर्व कंपन्यांवर वाहतुकीस अडथळा होत असल्याने गुन्हे दाखल करण्यात यावे, अशी मागणी भ्रष्टाचार विरोधी जनआक्रोश महाराष्ट्र या संघटनेचे पुणे जिल्हाध्यक्ष संजय पाचुंदकर (पाटील), शिरुर तालुकाध्यक्ष काशिनाथ पाचंगे, उपाध्यक्ष रणजित पाचंगे, सचिव दशरथ पंचरास यांनी केली असुन याबाबत गेल्या सहा महिन्यांपासून प्रशासनाला अनेकवेळा पत्रव्यवहार करुनही परिस्थिती “जैसे थे” असल्याने पुढील काळात तीव्र आंदोलन छेडले जाईल असा इशारा भ्रष्टाचार विरोधी जनआक्रोश महाराष्ट्र या संघटनेच्या वतीने देण्यात आला आहे.
बजाज कंपनी ते जामील स्टील या कंपनीकडे जाण्यासाठी एकाच बाजुने (वन वे) रस्ता असुन या सुमारे अर्धा किमी अंतराच्या रस्त्यावर नो पार्किंग झोन असतानाही या ठिकाणी नो पार्किंग मध्ये अवजड वाहने उभी केलेली असतात. त्यामुळे वाहतुकीस मोठ्या प्रमाणात अडथळा निर्माण होत असुन या ठिकाणी गंभीर अपघात होण्याचा धोका आहे. तसेच टाटा स्टील, फियाट, वाडको पॅकेजिंग, ग्रुपो अँटोलीन, बजाज या कंपन्यांच्या बाहेर रोजच दुतर्फा वाहनांच्या रांगा असल्याने स्थानिक नागरीकांना सकाळी १० वाजेपर्यंत रांजणगाव किंवा पुणे याठिकाणी जायचं असेल तर सुमारे ७ ते ८ किमी लांबच्या मार्गाचा वापर करावा लागतो. त्यामुळे त्यांना विनाकारण मनस्ताप होत असुन रस्त्याच्या दुतर्फा उभी असणारी आणि वाहतुकीस अडथळा करणाऱ्या वाहनांचा कायमस्वरुपी बंदोबस्त करण्यात यावा, अशी मागणी पुढे येत आहे.
रांजणगाव MIDC मध्ये सुमारे ४०० च्या आसपास कंपन्या असुन या कंपनीत बाहेरुन अनेक माल वाहतुक वाहने येत असतात. औद्योगिक वसाहतीत बाहेरुन येणाऱ्या वाहनांना पार्किंगसाठी वाहनतळ हे फक्त “कागदावरच” असुन अनेक कंपनीच्या बाहेर कायमच दुतर्फा अवजड वाहने उभी असतात. त्यामुळे येणाऱ्या जाणाऱ्या वाहनांना मोठ्या प्रमाणात अडथळा निर्माण होत असुन नियमाप्रमाणे कंपनी बांधताना प्रत्येक कंपनीच्या आत वाहनांच्या पार्किंगची सोय असणे गरजेचे आहे. त्यामुळे कंपनीच्या गेटच्या बाहेर उभ्या राहणाऱ्या गाड्यांची सोय कंपनीच्या आत करावी अन्यथा वाहतुकीस अडथळा निर्माण होत असल्याने सदर कंपनीवर गुन्हे दाखल करण्यात यावे अशी मागणी संघटनेचे पुणे जिल्हाध्यक्ष संजय पाचुंदकर (पाटील) आणि शिरुर तालुकाध्यक्ष काशिनाथ पाचंगे यांनी केली आहे.
रांजणगाव पोलिसांनी केली तब्बल ५१ लाखांची दंड वसुली…
रांजणगाव MIDC मधील अंतर्गत रस्त्यावर रहदारीस अडथळा करणाऱ्या वाहनांवर रांजणगाव पोलिसांनी जानेवारी ते जुलै या दरम्यान कारवाई करत तब्बल ५१ लाख ५ हजार ६५० रुपयांचा दंड वसुल केला असल्याची माहीती रांजणगाव MIDC पोलिस ठाण्याचे पोलीस निरीक्षक बलवंत मांडगे यांनी सांगितले. रांजणगाव MIDC मधील अनेक कंपन्याच्या अंतर्गत रस्त्यावर वाहतुकीस अडथळा होईल अशा पद्धतीने अवजड वाहने उभी असतात. त्यामुळे मोठ्या प्रमाणात वाहतुकीस अडचण निर्माण होत असल्याने या वाहनांवर गेल्या ७ महिन्यात मोठ्या प्रमाणात कारवाई करत दंड वसुल करण्यात आल्याचे मांडगे यांनी “शिरुर तालुका डॉट कॉम” शी बोलताना सांगितले.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…