शिक्रापूर (शेरखान शेख): शिक्रापूर (ता. शिरुर) पोलीस स्टेशन हद्दीमध्ये दुचाकी चोऱ्यांच्या घटना वारंवार घडत असताना आता चार चाकी वाहने चोरट्यांनी लक्ष केली असून नुकतेच एक इको व एक स्कोर्पिओ कार चोरीला गेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यांवर गुन्हे दाखल करण्यात आले आहे.
शिक्रापूर (ता. शिरुर) येथील दत्तप्रसाद कॉलनी येथील कुंडलिक भोगाडे यांनी त्यांची एम एच १२ आर टी २३४४ हि इको कार घरासमोर पार्किंग करुन ठेवून झोपले होते, सकाळच्या सुमारास भोगाडे हे उठले असता त्यांना घरासमोर लावलेली इको कार दिसली नाही त्यामुळे त्यांनी आजूबाजूला चौकशी केली असता त्यांची कार चोरीला गेल्याचे निदर्शनास आले. तसेच शिक्रापूर मलठण फाटा येथील संतोष झुंबड यांनी रात्रीच्या सुमारास त्यांची एम एच १२ टी एस २७६५ हि स्कोर्पिओ कार लॉक करुन घरासमोर लावलेली होती. सकाळच्या सुमारास त्यांना कार नसल्याचे दिसल्याने आजूबाजूला चौकशी केली असता कार चोरीला गेल्याचे निदर्शनास आले.
याबाबत संतोष हिम्मतराव झुंबड (वय ३८) रा. आदर्श सोसायटी मलठण फाटा शिक्रापुर ता. शिरुर जि. पुणे व कुंडलिक दगडू भोगाडे रा. दत्तप्रसाद कॉलनी शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे स्वतंत्र फिर्यादी दिल्या असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार श्रावण गुपचे व गणेश करपे हे करत आहे.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…