पिंपळे जगतापला किरकोळ वादातून दोघांना मारहाण

शिक्रापूर (शेरखान शेख): पिंपळे जगताप ता. शिरुर येथे महिलेला केलेल्या शिवीगाळ चा जाब विचारल्याने महिलेच्या दाजी व भावाला बेदम मारहाण करण्यात आल्याची घटना घडली असल्याने शिक्रापूर पोलीस स्टेशन येथे राहुल अरुण चंदनशिव, विजय राजू चंदनशिव, प्रल्हाद नानाभाऊ चंदनशिव, अरुण नानाभाऊ चंदनशिव, पवन प्रल्हाद चंदनशिव, नानाभाऊ उमाजी चंदनशिव यांच्या विरुद्ध गुन्हे दाखल करण्यात आले आहे.

पिंपळे जगताप (ता. शिरुर) येथील प्रियांका लोखंडे हि महिला घरासमोर काम करत असताना त्यांच्या समोरील अरुण चंदनशिव या सदर महिलेकडे पाहीन शिवीगाळ करत होता. दरम्यान महिलेने त्यालाजाब विचारला असता त्याने महिलेला शिवीगाळ करत धक्काबुक्की केली.

यावेळी महिलेचे दाजी लक्ष्मण पाटोळे व भाऊ रोहित जाधव दोघांनी अरुण याला बाजूला केले असता त्यांच्यात वाद झाला. दरम्यान अरुण याच्या घरातील लोकांनी लक्ष्मण पाटोळे व रोहित जाधव यांना शिवीगाळ, दमदाटी करत लोखंडी गज व काठीने मारहाण केली असता लक्ष्मण भारत पाटोळे व रोहित ज्ञानेश्वर जाधव हे दोघे जखमी झाले.

याबाबत प्रियांका कैलास लोखंडे (वय २८) रा. पिंपळे जगताप (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी राहुल अरुण चंदनशिव, विजय राजू चंदनशिव, प्रल्हाद नानाभाऊ चंदनशिव, अरुण नानाभाऊ चंदनशिव, पवन प्रल्हाद चंदनशिव, नानाभाऊ उमाजी चंदनशिव सर्व रा. पिंपळे जगताप (ता. शिरुर) जि. पुणे यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस नाईक महेंद्र पाटील हे करत आहे.