शिरुर तालुक्यात ठेकेदाराकडून महिलेचा विनयभंग

शिक्रापूर (शेरखान शेख): तळेगाव ढमढेरे (ता. शिरुर) येथील एका महिलेचा कंपनीच्या ठेकेदाराने विनयभंग केल्याची घटना घडली असल्याने शिक्रापूर पोलीस स्टेशन येथे कैलास कोंडल याचे विरुद्ध गुन्हा दाखल करण्यात आला आहे.

तळेगाव ढमढेरे (ता. शिरुर) येथील एका महिलेची कंपनीतील कामातून ठेकेदार कोंडल याच्या सोबत ओळख झालेली होती. त्यानंतर कोंडल महिलेच्या घरी येऊन महिलेच्या पतीला महिलेबाबत काहीही बोलू लागला. त्यामुळे महिला एका सोसायटीमध्ये राहायला गेली.

मात्र त्यानंतर देखील ठेकेदार कोंडल पुन्हा महिलेच्या घरी जाऊन महिलेच्या मनास लज्जा उत्पन्न होईल असे भाष्य करु लागला. त्यामुळे याबाबत महिलेने शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी कैलास कोंडल (पूर्ण नाव पत्ता माहित नाही) याचे विरुद्ध विनयभंग प्रकरणी गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार अमोल चव्हाण हे करत आहे.