साप आणि मांजराची जबरदस्त फाईट, कस झालंय वातावरण टाईट…

दिल्ली: कोब्रा किंवा किरकोळ साप नजरेस पडला तर, माणसाची सोडा प्राण्यांचीही हवा टाईट होते. मात्र, अनेकवेळा साप किंवा कोब्रा प्राण्यांची शिकार करताना चूक करतो आणि ती गोष्ट त्याच्या जीवाशी येते. सध्या सोशल मीडियावर एका साप आणि मांजराच्या घमासान युद्धाचा व्हिडीओ व्हायरल होतोय. हा व्हिडीओ पाहून अनेकांनी या मांजराचं कौतुक केलंय.

नेमकं काय घडलं?

एक मांजर एका मोकळ्या जागेत निवांत झोपलेलं दिसत आहे. तिथे अचानक एक साप येतो आणि तो या मांजरीवर हल्ला करतो. आपल्यासमोर उभ्या असलेल्या या जीवघेण्या संकटाचा मांजरही न घाबरता सामना करतं. सापाने केलेल्या प्रत्येक हल्ल्याला ही मांजर चोख प्रत्युत्तर देते. अखेर सापाची अवस्था अशी होते की, त्याला पळ काढावा लागतो.

व्हिडिओमध्ये तुम्ही पाहू शकता की, हा साप कसा या मांजरावर हल्ला करण्याचा प्रयत्न करतो आहे. या सापाने केलेल्या प्रत्येक हल्ल्याला मांजर प्रत्त्युत्तर देत आहे. या सापाला बघून मांजर एकदम सतर्क झालेली आहे. सापाचा हल्ला ती चुकवत आहे.

हा साप मांजरावर अनेक वेळा प्रहार करतो पण मांजर खूप हुशार आहे आणि ती त्याचा प्रत्येक हल्ला हाणून पाडते आणि तिच्या हुडावर अनेक चापट मारते. त्यामुळे कोब्रा घाबरुन तेथून पळून जातो. सोशल मीडियावर व्हायरल झालेला हा व्हिडिओ पाहून नेटकरी या मांजरीच्या धाडसाचे कौतुक करत आहेत.

एका यूजरने सांगितले की, मांजरीने सापाला चांगलाच धडा शिकवला. दुसरीकडे, दुसर्‍या युजरने लिहिले की, मांजरीचा राग पाहून खात्रीने सापाची हवा टाईट झाली असावी, म्हणून त्याने पळ काढला. आतापर्यंत या व्हिडीओला नेटकऱ्यांनी तुफान प्रतिसाद दिलाय.हा व्हिडीओ मोठ्या प्रमाणात व्हायरल झाला आहे.