अमरावती: शहरातील महादेव खोरी नजीकच्‍या जंगलात गुरुवार (दि. 1) रोजी बिबट्याचे 2 बछडे आढळून आले होते. आईपासून त्‍यांची ताटातूट झाली होती. बछडे आणि मादी बिबट्याची भेट घडवण्‍यात शनिवार (दि. 3) रोजी पहाटे वनविभागाला यश आले.
दोन दिवसानंतर बिबट्याची ही पिल्ले आईच्या कुशीत विसावली. गुरुवारी सकाळी नागरिकांना हे बछडे आढळून आले होते. या बछड्यांना वनविभागाच्या पथकाने सुरक्षितरीत्या ताब्यात घेतल्‍यानंतर वडाळी येथील वनउद्यानात ठवेले होते. दोन दिवस या ठिकाणी त्‍यांची देखभाल करण्‍यात आली.
त्‍या दरम्‍यान वनविभागाने या बछड्यांसोबत मादी बिबट्याची भेट घडवून आणण्‍यासाठी प्रयत्न सुरु केले होते. शनिवारी सकाळी बिबट्यांच्या या 2 बछड्यांची आईसोबत वनविभागाच्या पथकाने भेट घडवून आणली. उपवनसंरक्षक चंद्रशेखरन बाला, वनपाल अमोल गावणेर आणि त्यांच्या चमूने त्‍यासाठी बरेच परिश्रम घेतले. या बछड्यांना आता त्यांच्या नैसर्गिक अधिवासात आईसोबत राहता येणार आहे.
महादेव खोरी परिसराच्‍या जवळ वनविभागाने वनीकरण केले आहे. पोहरा-मालखेडच्या जंगलाचा हा भाग मानला जातो. गुरुवारी सकाळी काही जणांना या परिसरात बिबट्याचे दोन बछडे दिसून आले होते. या बछड्यांना त्यांच्या जन्मदात्रीकडे परत सोडण्याचे प्रयत्न करायला हवेत, अशी अपेक्षा राज्य वन्यजीव मंडळाचे सदस्य यादव तरटे यांनी व्यक्त केली होती. वनविभागाच्या या कामगिरीबद्दल यादव तरटे यांनी समाधान व्यक्त केले आ
न्हावरे (अक्षय टेमगिरे) शिरुर तालुक्यातील आंबळे येथे विवाहित महिलेचा शारीरिक व मानसिक छळ केल्याप्रकरणी पतीसह…
शिरूर (तेजस फडके) : शिरुर तालुक्यात अवैध धंद्यांविरोधात पोलिसांनी दोन स्वतंत्र कारवाया करत गावठी हातभट्टीची…
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…