केंदूर हायस्कुलच्या उपाध्यक्षपदी श्रीहरी पऱ्हाड

शिक्रापूर: केंदूर (ता. शिरुर) येथील श्री स्वामी विवेकानंद शिक्षण संस्था कोल्हापूर संचलित सरदार रघुनाथराव ढवळे हायस्कूल व ज्युनिअर कॉलेज या संस्थेच्या शाळा व्यवस्थापन समितीच्या उपाध्यक्षपदी श्रीहरी पऱ्हाड यांची सर्वांनुमते बिनविरोध निवड करण्यात आली, ३ वर्षाच्या कालावधीनंतर शाळा व्यवस्थापन समितीचे पुनर्गठन करण्यात आल्याने नव्याने समितीची निवड करण्यात आली.

सदर हायस्कूलची पटसंख्या सुमारे सहाशे असून गुणवत्ता वाढ व भौतिक सुविधा यासाठी अधिकाधिक प्रयत्न करणार असल्याचे निवडीनंतर बोलताना श्रीहरी पऱ्हाड यांनी सांगितले. यावेळी पुणे विभागीय सदस्य रामशेठ साकोरे, प्राचार्य आर. डी. गावीत, जी. बी. थिटे, मदन पऱ्हाड, माजी उपसरपंच अभिजीत साकोरे, शहाजी सुक्रे, जयदिप ताठे, महादेव ताठे, विठ्ठल ताथवडे, विश्वास पऱ्हाड, देवा पऱ्हाड, विजय थिटे, शहाजी साकोरे यांसह आदी पदाधिकारी व पालक मोठ्या संख्येने उपस्थित होते