क्राईम

गांजेवाडीच्या तुकाई देवी मंदिरात धाडसी चोरी करुन 9 लाखांचा ऐवज लंपास

आज पहाटे ११ ते ५ च्या दरम्यानची घटना, देवीच्या चोरीच्या घटनेमुळे ग्रामस्थांमध्ये घबराट 

सविंदणे (अरुणकुमार मोटे): शिरुर तालुक्यातील कवठे येमाईच्या गांजेवाडी (माळीमळ्यात) असलेल्या श्री तुकाई देवी मंदिरात आज सोमवार (दि. २) ला रात्री ११ ते पहाटे ५ च्या दरम्यान धाडसी चोरी झालीय. यात चोरट्यांनी तिजोरी, कपाट, देवीच्या अंगावरील सोन्याचे दागिने, देवीचे डोळे, रोख रक्कम असा सुमारे 9 लाख रुपयांचा ऐवज चोरीस गेल्याची माहिती देवीचे पुजारी ज्ञानेश्वर गुजाराम मुलमुले यांनी बोलताना दिली. आज पहाटे पाचला देवीच्या पूजेसाठी ते मंदिरात आले असता चोरी झाल्याचे त्यांच्या निदर्शनास आले.

या घटनेबाबत गोरक्ष प्रकाश शिंदे यांनी कळविल्यानंतर शिरुर पोलिसांना घटनेची तात्काळ माहिती देण्यात आली. पोलीस निरीक्षक सुरेशकुमार राऊत यांनी घटनेचे गांभीर्य लक्षात घेत तात्काळ पोलीस पथक घटना स्थळी रवाना केले असून श्वान पथकाला ही पाचारण करण्यात येत असल्याचे राऊत यांनी सांगितले.

तिसऱ्यांदा देवीची चोरी झाल्याने स्थानिक ग्रामस्थांनी संताप व्यक्त केला असून पोलीस प्रशासनाने या चोरीचा तात्काळ छडा लावण्याची मागणी ग्रामस्थ व माजी सरपंच बबनराव पोकळे यांनी केली आहे. चोरीची माहिती मिळताच ग्रामस्थ मोठ्या संख्येने मंदिरासमोर जमा झाले होते.

तुकाई देवी मंदिरा शेजारीच असलेले श्री संत सावतामाळी, विठ्ठल रखुमाई मंदिर ही चोरटयांनी ग्रील उचकटून उचकापाचक केली असून मुख्य मंदिराच्या मागील बाजूस असलेले ग्रील तोडून चोरटयांनी मंदिरात चोरी केल्याची माहिती गोरक्ष शिंदे, संजय गायकवाड, रामभाऊ शिंदे, संपत गायकवाड यांनी दिली. घटनास्थळी टाकळी हाजी औट पोस्टचे सहाय्यक पोलिस निरीक्षक अमोल पन्हाळकर, पोलिस उपनिरीक्षक सुनिल उगले व कर्मचाऱ्यांनी भेट दिली असून पुढील तपास ते करत आहे.

शिरूर तालुका टीम

Recent Posts

रांजणगावात जुन्या भांडणातून तरुणावर हल्ला; कोयता, दगड, फायटरने मारहाण

रांजणगाव गणपती (तेजस फडके) रांजणगाव गणपती गावच्या हद्दीत जुन्या भांडणाच्या कारणावरुन एका १९ वर्षीय तरुणासह…

11 मिनिटे ago

Video! शिरूरमध्ये झालेल्या गोळीबारातील हरिश गंगावणे याच्या खुनाची Inside Story…

शिरूर (तेजस फडके): शिरूर शहरात शुक्रवारी (ता. १८) पहाटेच्या सुमारास गोळीबाराची धक्कादायक घटना घडल्याने परिसरात…

2 तास ago

Video! शिरूर शहरात पहाटे गोळीबार; तरुणाचा मृत्यू…

शिरूर (तेजस फडके) : शिरूर शहरातील लाटेआळी आंबेडकर नगर परिसरात आज (शुक्रवार) सकाळी साडेसहाच्या सुमारास…

1 दिवस ago

भिक्षा देण्यास नकार दिल्याने महिलेवर हल्ला; भिकाऱ्याने नाकाला घेतला चावा

मथुरा : गोवर्धन पर्वताला प्रदक्षिणा घालत असलेल्या एका महिलेने भिक्षा देण्यास नकार दिल्याने संतापलेल्या भिकाऱ्याने…

2 दिवस ago

तोंडाला सतत दुर्गंधी येते, दातांना कीड लागते, पाहा ‘असं’ का होत

रोज करायचे काय दिवसातून दोनदा दात घासा. सकाळी आणि रात्री. यामुळे दातांमध्ये काही अडकून राहणार…

2 दिवस ago

तापमान वाढीमुळे बंद पडू शकतं तुमचं हृदय, वाचा हार्ट अटॅकचा धोका जास्त कुणाला

वाढत्या तापमानाचा हृदयावर प्रभाव  हीटवेव किंवा जास्त तापमानामुळे कार्डिओवस्कुलर सिस्टीमवर प्रभाव पडतो, ज्यामुळे हार्ट अटॅकचा…

2 दिवस ago