शिक्रापूर (शेरखान शेख): शिक्रापूर (ता. शिरुर) येथे व्यवसायिकांना व्याजाने पैसे देऊन वेळेवर पैसे परत न केल्याने व्यवसायिकांना शिवीगाळ, दमदाटी करत जीवे मारण्याची धमकी दिल्याची घटना घडली असल्याने शिक्रापूर पोलीस स्टेशन येथे अजहर सय्यद या सावकारावर गुन्हे दाखल करण्यात आले आहे.
शिक्रापूर (ता. शिरुर) येथील हॉटेल व्यवसायिक राजेंद्र करंजे यांच्या साक्षी हॉटेलमध्ये अजहर सय्यद हा इसम आला होता त्याने मी व्याजाने पैसे देतो आणि पन्नास दिवसाच्या मुदतीत दररोज काही रक्कम ठरवून परत घेतो असे सांगत पैशाची आवश्यकता आहे का असे सांगितले.
दरम्यान करंजे यांना पैशाची गरज असल्यामुळे त्यांनी काही पैसे घेतले आणि त्याची परतफेड देखील सय्यद यांना दररोज वेळोवेळी केली. त्यानंतर पुन्हा करंजे यांनी काही पैसे घेतले मात्र व्यवसाय मंदीत असल्याने काही पैसे दिल्यानंतर पुढील पैसे वेळत देऊ न शकल्याने अजहर सय्यद याने करंजे यांच्या हॉटेल मध्ये येत पैशाची मागणी केली असता सध्या धंदा कमी आहे लवकरच पैसे देतो असे करंजे यांनी म्हटले असता सय्यद याने करंजे यांना शिवीगाळ, दमदाटी करत जीवे ठार मारण्याची धमकी दिली.
याबाबत राजेंद्र भालचंद्र करंजे (वय ५०) रा. पाबळ चौक शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अजहर सय्यद रा. नाना पेठ पुणे याचे विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक जितेंद्र पानसरे हे करत आहे.
शिरूर (सुनिल जिते): संकष्टी चतुर्थीनिमित्त श्री क्षेत्र रांजणगाव येथील श्री महागणपती मंदिरात रविवारी पहाटेपासून हजारो…
अहिल्यानगर: शहरातील माळीवाडा बसस्थानक परिसरात विक्रीस असलेल्या चिक्कीच्या पॅकेटमध्ये जिवंत अळ्या आढळल्याचा धक्कादायक प्रकार समोर…
मुंबई : राष्ट्रवादी काँग्रेस (शरदचंद्र पवार) पक्षात संघटनात्मक पातळीवर महत्त्वाचे फेरबदल करण्यात आले आहेत. पक्षाचे…
दिशा वाकानीच्या कमबॅकची व्यक्त केली इच्छा; 'तारक मेहता का उल्टा चष्मा'च्या 18 वर्षांच्या सेलिब्रेशनमध्ये कलाकारांच्या…
ऑगस्ट महिन्याच्या प्रारंभासोबतच धार्मिक आणि आध्यात्मिक वातावरणाला अधिक रंग चढला आहे. हिंदू पंचांगानुसार हा महिना…
मुंबई : झी मराठीवरील लोकप्रिय मालिका तारिणी मध्ये कथानकाने पुन्हा एकदा थरारक वळण घेतले आहे.…