शिरुरमध्ये घरात प्रवेश करत दागिन्यांसह मोबाईल व दुचाकी पळवले

शिक्रापूर (शेरखान शेख): शिरुर (ता. शिरुर) येथील पाचकंदील चौक परिसरात राहणाऱ्या एका व्यक्तीच्या घरात पहाटेच्या सुमारास अज्ञात व्यक्तीनी प्रवेश करत घरातील साडेतीन तोळे सोन्याचे वजनाचे दागिन्यांसह दोन मोबाईल व एक दुचाकी अज्ञात चोरट्यांनी पळवल्याची घटना घडल्याने शिरुर पोलीस स्टेशन येथे अज्ञात व्यक्तीवर गुन्हे दाखल करण्यात आले आहे.

शिरुर (ता. शिरुर) येथील पाचकंदील चौक परिसरात राहणारे श्रीहरी मेंदरकर हे पहाटेच्या सुमारात झोपलेले असताना अज्ञात व्यक्तीने त्यांच्या घराच्या गॅलरीतून घरात प्रवेश करुन घरातील साडेतीन तोळे वजनाचे सोन्याचे दागिने, दोन मोबाईल तसेच घराबाहेर पार्किंग मध्ये लावलेली दुचाकी घेऊन पोबारा केला.

सकाळच्या सुमारास सदर प्रकार उघडकीस आल्याने श्रीहरी विठ्ठल मेंदरकर (वय ५६) रा. पाचकंदील चौक शिरुर (ता. शिरुर) जि. पुणे यांनी याबाबत शिरुर पोलीस स्टेशन येथे फिर्याद दिली असल्याने शिरुर पोलिसांनी अज्ञात इसमांवर गुन्हे दाखल केले असून सदर गुन्ह्याचा पुढील तपास पोलीस निरीक्षक सुरेशकुमार राऊत यांच्या मार्गदर्शनाखाली पोलीस उपनिरीक्षक अभिजित पवार हे करत आहे.