कोंढापुरीत विरुद्ध दिशेने पिकअप आल्याने चार वाहने आदळली अन…

शिक्रापूर (शेरखान शेख): कोंढापुरी (ता. शिरुर) येथे विरुद्ध दिशेने एक पिक अप आल्याने चक्क चार वाहने एकमेकांवर आदळून अपघात होऊन अपघातात चारही वाहनांचे नुकसान झाल्याची घटना घडली असल्याने शिक्रापूर पोलीस स्टेशन येथे पिकअप चालकावर गुन्हे दाखल करण्यात आले आहे.

कोंढापुरी (ता. शिरुर) येथील पुणे नगर महामार्गावरून शंकर इंगळे हे त्यांच्या ताब्यातील एम एच ४६ बी के २७१३ हि कार घेऊन पुणे बाजूने अहमदनगर बाजूकडे जात असताना समोरुन विरुद्ध बाजूने एम एच १२ एच डी ८९६६ हा पिक अप चालक आला त्यामुळे इंगळे यांच्या समोर चाललेली एम एच १२ क्यू जि ९११२ हि बस थांबली त्यामुळे इंगळे देखील थांबले. त्यावेळी पाठीमागून आलेली एम एच १२ क्यू के ७२५५ हि बस इंगळे यांच्या कारला पाठीमागून धडकली याच वेळी पाठीमागील बसला देखील एम एच १२ क्यू जि ०११२ या टेम्पोची धडक बसून अपघात झाला.

यावेळी रस्त्यावर वाहनांच्या रांगा लागल्या मात्र कोणालाही काही इजा झाली नाही, परंतु सदर अपघातात चार वाहनांचे मोठ्या प्रमाणात नुकसान झाले, घडलेल्या प्रकाराबाबत याबाबत शंकर विश्वनाथ इंगळे (वय ३२) रा. लक्ष्मी नगर पुसद ता. पुसद जि. यवतमाळ यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी एम एच १२ एच डी ८९६६ या पिकअप वरील अज्ञात वाहन चालकावर गुन्हे दाखल केले असून सदर गुन्ह्याचा पुढील तपास पोलीस पोलीस निरीक्षक हेमंत शेडगे यांच्या मार्गदर्शनाखाली पोलीस नाईक राकेश मळेकर हे करत आहे.