धक्कादायक! वडिलांनी घराचा दरवाजा उघडला अन् बसला धक्का…

जळगावः शहरातील रौनक कॉलनीतील कोमल वसंत भावसार (वय 30) या उच्चशिक्षित युवतीने घरात कोणी नसताना गळफास घेऊन आत्महत्या केल्याची धक्कादायक घटना उघडकीस आली आहे. वडिलांनी घराचा दरवाजा उघडल्यानंतर मुलीला लटकलेले पाहून त्यांना मोठा धक्का बसला आहे.

कोमलच्या आत्महत्येचे कारण कळू शकले नाही. पण, पोलिसांना कोमलच्या लॅपटॉपच्या बॅगमध्ये सुसाईट नोट आढळून आली आहे. पोलिसांनी लॅपटॉप आणि सुसाईट नोट जप्त केली असून, पुढील तपास करत आहेत.

कोमल भावसार ही बँकेत अकाऊंटन म्हणून नोकरीला होती. कोमलचे आई आणि भाऊ पुण्यात गेले आहे तर वडील कंपनीत कामाला गेले होते. कोमलचे वडील सायंकाळी कामावरुन घरी परतले असता, त्यांना आपली मुलगी गळफास घेतलेल्या अवस्थेत दिसून आली. मुलीचा मृतदेह बघताच त्यांनी एकच आक्रोश केला.

दरम्यान, पोलिसांना कोमलच्या लॅपटॉप बॅगमध्ये सुसाईट नोट मिळाली आहे. ‘मम्मी पप्पा सॉरी, मी स्वतःच आत्महत्या करीत आहे. कुणालाही जबाबदार धरू नये,’ अशा आशयाचा मजकूर चिट्ठीत आहे. याप्रकरणी एमआयडीसी पोलिसांनी अकस्मात मृत्यूची नोंद केली असून, पुढील तपास करत आहेत.