शिक्रापूर चाकण रस्त्यावर दुचाकीच्या धडकेत वृद्धाचा जागीच मृत्यू….

शिक्रापूर (शेरखान शेख): शिक्रापूर (ता. शिरुर) येथील शिक्रापूर चाकण रस्त्यावर चाकण बाजूकडून एका दुचाकीवरुन तिघेजन आलेल्या दुचाकीची एका वृद्धाला धडक बसल्याने फुलचंद विठोबा रणदिवे या वृद्धाचा मृत्यू झाल्याची घटना घडली असल्याने शिक्रापूर पोलीस स्टेशन येथे दुचाकी चालकासह त्याच्या साथीदारांवर गुन्हे दाखल करण्यात आले आहे.

शिक्रापूर चाकण रस्त्यालागत असलेल्या एस्सार पेट्रोल पंप समोरुन फुलचंद रणदिवे हे रस्ता ओलांडत असताना चाकण बाजुने आलेल्या नंबर नसलेल्या तसेच दुचाकीवर तिघेजन असलेल्या दुचाकीची रणदिवे यांना जोरदार धडक बसून त्यांच्या डोक्याला गंभीर दुखापत झाली.

दरम्यान फुलचंद विठोबा रणदिवे (वय ७८) रा. भांबोरा ता. कर्जत जि. अहमदनगर यांचा जागीच मृत्यू झाला. घडलेल्या घटनेबाबत किशोर रामदास रणदिवे (वय २३) रा. आनंदनगर चाकण ता. खेड जि. पुणे मूळ रा. भांबोरा ता. कर्जत जि. अहमदनगर यांनी शिक्रापूर पोलीस स्टेशन येथे फिर्याद दिली.

शिक्रापूर पोलिसांनी दुचाकीचालक ऋतिक संतोष कदम, नवनाथ सुरेंद्र यादव, प्रियेश लालबहाद्दूर शहा तिघे रा. कामशेत ता. मावळ जि. पुणे यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार राजेश माने हे करत आहे.