पुणे : हवाई दलाच्या एका मृत जवानाच्या नावाने बनावट ओळखपत्र बनवून सैन्याचा अधिकृत गणवेश मिळवण्याच्या प्रयत्नात असलेल्या एका युवकाला पोलिसांनी ताब्यात घेतले असून, पुढील तपास करत आहेत. टेलरच्या दुकानात घडलेल्या या अनपेक्षित घटनेमुळे या संपूर्ण कारस्थानाचा पर्दाफाश झाला आहे. याप्रकरणी पोलिसांनी संशयित आरोपीला अटक करून त्याच्याकडून बनावट ओळखपत्र जप्त केले आहे.
शुभम विलास अंबुरे (वय २६, रा. शिक्रापूर रस्ता, ता. शिरूर) असे अटक करण्यात आलेल्या संशयिताचे नाव आहे. मूळचा बीड जिल्ह्यातील असलेला शुभम गेल्या तीन महिन्यांपासून शिक्रापूर येथील एका सलूनमध्ये काम करत होता. त्याने हवाई दलात कार्यरत असलेले आणि सन २०२२ मध्ये निधन झालेले मयत जवान रजतकुमार मिश्रा यांच्या नावाने एक हुबेहूब बनावट ओळखपत्र तयार केले.
शुभम अंबुरे हा बनावट ओळखपत्र घेऊन बालाजी टेलर्समध्ये गेला आणि त्याने हवाई दलाचा गणवेश शिवण्याची ऑर्डर दिली. टेलर गणवेशाचे माप आणि ओळखपत्राची पडताळणी करत होते. त्याचवेळी दुकानात हवाई दलाचे खरे जवान ब्रिजेशकुमार मिश्रा आले. टेलरने शुभमने दिलेले ओळखपत्र जवान ब्रिजेशकुमार यांना दाखवले. ओळखपत्र पाहून अधिक पडताळणी केली असता ब्रिजेशकुमार चक्रावले. कारण ज्या रजतकुमार मिश्रा यांच्या नावाचे ते ओळखपत्र होते, त्यांचा २०२२ मध्येच मृत्यू झालेला होता. क्षणाचाही विलंब न लावता ब्रिजेशकुमार यांनी अधिक चौकशी केली असता समोरचा व्यक्ती तोतया असल्याचे स्पष्ट झाले. त्यांनी तात्काळ लोहगाव पोलिसांना पाचारण केले आणि पोलिसांनी घटनास्थळी धाव घेऊन आरोपी शुभम अंबुरेला बेड्या ठोकल्या.
याप्रकरणी हवाई दलातील जवान ब्रिजेशकुमार मिश्रा (वय ४८) यांनी लोहगाव पोलीस ठाण्यात दिलेल्या फिर्यादीवरून गुन्हा दाखल करण्यात आला आहे. सहा जुलै रोजी लोहगाव येथील गुरुद्वारा कॉलनीतील ‘बालाजी टेलर्स’ या दुकानात हा संपूर्ण प्रकार घडला. सध्या या प्रकरणाचा पुढील तपास सहाय्यक पोलीस निरीक्षक संतोष शिंदे करत आहेत.
शिरूरमध्ये डॉक्टरांच्या निष्काळजीपणामुळेच महिलेचा जीव गेल्याचा गंभीर आरोप…
व्यावसायिकावर गोळीबार करणारे उज्जैन येथून जेरबंद…
शिक्रापूर (अक्षय टेमगिरे) : दिवाळी म्हटले की खरेदीसाठी बाजारपेठांमध्ये होणारी गर्दी आणि नगर-पुणे महामार्गावरील वाहतूक…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…