शिरूर तालुक्यात मित्रानेच मित्राला घातला लाखो रुपयांचा गंडा…

शिक्रापूर (योगेश शेंडगे): कासारी (ता. शिरुर) येथील एकाने आपल्या मित्राला कंपनीमध्ये व्यवसाय करुन देतो असे म्हणून तब्बल दहा लाख एक्कावन हजारांची फसवणूक केल्याची घटना घडली आहे. शिक्रापूर पोलिस स्टेशन येथे निलेश तुकाराम नेवसे याच्या विरुद्ध गुन्हा दाखल करण्यात आला आहे.

कासारी येथील निलेश नेवसे हा युवक चाकण येथील एका कंपनीत कामाला असल्याने त्याने गावातील महेश भुजबळ या मित्राला विश्वासात घेत त्याला मी काम करत असलेल्या कंपनीमध्ये वेगवेगळे साहित्य तू पूरव तुला पैसे भेटतील असे सांगून निलेश याने महेशला विश्वासात घेतले. मी सर्व काही करतो, असे सांगून कंपनीच्या एका फॉर्मवर सह्या घेतल्या, त्यांनतर कंपनीच्या मेल आयडी वरून महेशला वेगवेगळ्या वस्तूंची पर्चेस यादी पाठवून त्यासाठी लागणारे पैसे मागवून घेतले. चार महिन्यात दहा लाख एक्कावन हजार रुपये वेगवेगळ्या मटेरियल साठी पाठवून देखील चार महिने गेले तरी महेशला कंपनीकडून काही रक्कम मिळाली नसल्याने त्याने निलेशकडे विचारपूस केली.

दरम्यान, महेश भुजबळ यांनी कंपनीमध्ये जाऊन चौकशी केली असता कंपनीनेच निलेश नेवसे याच्यावर फसवणूक केल्याबाबत पोलिसांत तक्रार केल्याचे समोर आले. त्यावेळी महेश यांनी कंपनीच्या मेलवरून आलेल्या पर्चेस ऑर्डरबाबत चौकशी केली असता निलेश याने बनावट ऑर्डर पाठवलेली असून कंपनीकडे यांच्याकडील काहीही साहित्य आले नसल्याचे निदर्शनास आले. आपल्याच मित्राने आपली लाखो रुपयांची फसवणूक केल्याचे समोर आल्याने, महेश राजेंद्र भुजबळ (वय ३३, रा. कासारी ता. शिरुर जि. पुणे) यांनी याबाबत शिक्रापूर पोलिस स्टेशन येथे फिर्याद दिली.

शिक्रापूर पोलिसांनी निलेश तुकाराम नेवसे (रा. कासारी ता. शिरुर जि. पुणे) याच्या विरुद्ध गुन्हा दाखल केला आहे. पुढील तपास पोलिस निरीक्षक दिपरतन गायकवाड यांच्या मार्गदर्शनाखाली महिला पोलिस उपनिरीक्षक रोहिणी सोनावले करत आहेत.

पुणे ग्रामीणच्या पोलीस अधिक्षकपदी पुन्हा पंकज देशमुख कॅटच्या पुढील आदेशापर्यंत कायम राहणार

दिलीप वळसे पाटील अन् देवदत्त निकम यांच्या कार्यकर्त्यांमध्ये जोरदार बाचाबाची…

शिरूर तालुक्यात भीमा नदीच्या काठावर आढळला मृतदेह…

शिरुर पोलिसांनी अल्पवयीन मुलीला छेडछाड करणारा आरोपी केला २४ तासाच्या आत गजाआड

शिरूर तालुक्यात अल्पवयीन मुलीवर बलात्कार…

ब्रेकिंग; पत्रकार असल्याचे सांगुन खोट्या केसमध्ये अडकविण्याची भिती दाखवत खंडणीची मागणी, दोन जणांना अटक