तळेगाव ढमढेरे येथे पीएमपीएमएलच्या धडकेत एकाचा मृत्यू…

तळेगाव ढमढेरे: तळेगाव ढमढेरे (ता. शिरूर) येथे पीएमपीएमएलच्या धडकेत एका व्यक्तीचा मृत्यू झाला आहे. याप्रकरणी गुन्हा दाखल झाला असून, पोलिस पुढील तपास करत आहेत.

तळेगाव ढमढेरे येथे जुन्या ग्रामपंचायतीच्या जवळ दिलीप तुकाराम कुंभार हे सकाळी शेतातून दुचाकीवरून घरी येत असताना, समोरून पुण्याहून तळेगाव ढमढेरेच्या दिशेने येणारी पीएमपीएमएल बसने (एमएच १२ आरएन ६१६०) धडक दिली. या घटनेत ते जखमी झाले होते. त्यांच्या डोक्याला गंभीर दुखापत झाल्यामुळे त्यांना तत्काळ रुग्णालयात दाखल करण्यात आले होते. त्यांच्या डोक्याच्या दुखापतीवर शस्त्रक्रिया करण्यात आली. मात्र, दोन दिवसांनंतर त्यांचा उपचारादरम्यान मृत्यू झाला आहे. त्यांच्या मागे आई, भाऊ, पत्नी, तीन विवाहित मुली असा परिवार आहे.

दरम्यान, दिलीप कुंभार यांचा उपचारादरम्यान मृत्यू झाल्याची समजताच पंचक्रोशीत हळहळ व्यक्त केली जात आहे. बसच्या चालकाविरुद्ध शिक्रापूर पोलिस स्टेशन येथे गुन्ह्याची नोंद करण्यात आली असून, पोलिस पुढील तपास करत आहेत.

पुणे-अहमदनगर महामार्गावर अपघातात टेम्पो चालकाचा जागीच मृत्यू…

शिरुर येथील बोऱ्हाडे मळा येथील अपघातात उद्योजक सतिश नाईकरे यांचा मृत्यू 

नगर-पुणे रस्त्यावर अपघातात जखमी झालेल्या महिलेला सामाजिक कार्यकर्ते संदीप कुटे यांची मदत 

शिरुर तालुक्यात पुणे-नगर महामार्गावर अपघातात तरुणाचा मृत्यू…

शिरुर-रामलिंग रस्त्यावर दुचाकीला धडक; महाविद्यालयीन युवती ठार….