अहमदनगर: एकाने मुलीला चित्रपटात मुख्य भूमिका देण्याच्या नावाखाली शिक्षकाची 23 लाख रुपयांची फसवणूक केल्याचा प्रकार समोर आला आहे. 23 लाखाच्या मोबदल्यात कार देण्याच्या नावाखाली त्या व्यक्तीने एका तोतया आरटीओ अधिकार्याला सोबत घेऊन शिक्षकाच्या बोगस कागदपत्रांवर सह्या घेण्याचा प्रयत्न कोतवाली पोलिसांनी हाणून पाडला. पोलिसांनी दोघांना ताब्यात घेत अटक केली आहे.
राजेश भगवान पवार (वय 33 रा. बीड बायपास, एमआयटी कॉलेज जवळ, जि. छत्रपती संभाजीनगर) व अमित अरविंद देशमुख (रा. बीड बायपास, जि. छत्रपती संभाजीनगर) अशी अटक केलेल्या आरोपींची नावे आहेत. फिर्यादी यांची सन 2016 मध्ये राजेश भगवान पवार याच्या सोबत ओळख झाली होती. त्याने फिर्यादीच्या मुलीला चित्रपटात भूमिका देण्याचे आश्वासन दिले होते.
सदर चित्रपटाच्या शुटींगसाठी मार्च 2019 मध्ये ओतुर (जि. पुणे) येथे बोलविण्यात आले. फिर्यादी मुलीला घेऊन सदर ठिकाणी गेले. दरम्यान, पवार याने एकच दिवस शुटींग केल्यानंतर पुढील शुटींगसाठी फिर्यादीकडे पैशाची मागणी केली. पवार याने फिर्यादी यांना खोटे बनावट तयार केलेले कागदपत्रे दाखवून वेळोवेळी रोख, चेक व फोन पे व्दारे 23 लाख रूपये घेतले. चित्रपटात कोणतीही भूमिका न देता फसवणूक केली.
दरम्यान, 23 लाख रूपयांच्या मोबदल्यात हॅरेअर कार देतो, असे सांगून पवार याने फिर्यादीला बुधवारी (ता. 1) नगर आरटीओ कार्यालयासमोर बोलून घेतले. फिर्यादीला शंका आल्याने त्यांनी सदरचा प्रकार कोतवाली पोलिस ठाण्याचे पोलिस निरीक्षक चंद्रशेखर यादव यांना माहिती दिली. निरीक्षक यादव यांनी आपल्या पथकासह सापळा लावला. कार देण्याच्या नावाखाली बोगस कागदपत्रांवर सह्या घेताना तोतया आरटीओ अधिकारी देशमुख व पवार यांना पोलिसांनी पकडले. सदरची कारवाई पोलिस निरीक्षक चंद्रशेखर यादव, पोलिस उपनिरीक्षक गजेंद्र इंगळे, पोलिस गणेश धोत्रे, जवान योगेश भिंगारदिवे, तनवीर शेख, सुजय हिवाळे, अभय कदम, सलीम शेख, रियाझ इनामदार, संदीप थोरात, सोमनाथ राऊत यांनी केली.
वाघोलीतील लॉजवर प्रेमीयुगुलाची गळफास घेत आत्महत्या…
शिरूर तालुक्यात मुलीच्या अंगावरील गोधडी ओढून केला विनयभंग…
निमगाव म्हाळुंगीमधील शेतकऱयांना मंत्रालयात मोठे संबंध असल्याचे सांगून धमकी…
शिरूर तालुक्यात गावठी पिस्टल बाळगून खुन, अपहरण, खंडणी वसूल करणारी टोळी जेरबंद…
शिक्रापुर (योगेश शेंडगे) सध्या पुण्यातील हिट अँड रण प्रकरणाची देशभरात जोरदार चर्चा असुन एका बड्या…
निवडणूक आयोगाला पत्र; प्रांताधिकाऱ्यांच्या आरोपाने जिल्हयात मोठी खळबळ! शिरूर (अरुणकुमार मोटे): पुण्याचे जिल्हाधिकारी सुहास दिवसे…
शिरूर (अरूणकुमार मोटे): शिरूर तालुक्यासह बेट भागात गेल्या दोन वर्षापासून विद्युत रोहीत्र चोरीचे सत्र सातत्याने…
कारेगाव (तेजस फडके) कारेगाव येथे दि 27 मे 2024 रोजी सायंकाळी 6 च्या सुमारास आय.टि.…
शिक्रापुर (योगेश शेंडगे) शिरुर तालुक्यातील पारोडी येथील सरकारी आरोग्य उपकेंद्र कायमच बंद अवस्थेत आढळून येत…
शिंदोडी (तेजस फडके) सध्या पुण्यातील हिट अँड रण प्रकरणाची देशभरात जोरदार चर्चा असुन एका बड्या…