शिरुर (तेजस फडके): शिरुर तालुक्यातील गोलेगाव येथील उद्योजक सतिश खंडू नाईकरे यांचा आज (दि 5) रोजी पुणे-नगर महामार्गांवर बोऱ्हाडे मळा येथे सायंकाळी 5 वाजण्याच्या सुमारास अपघाती मृत्यू झाला.
सतिश नाईकरे यांचा हॉटेल व्यवसाय असुन आज सायंकाळी पाचच्या सुमारास पुणे-नगर महामार्गावरुन आपल्या दुचाकी वरुन एका वेटरला घेऊन ते शिरुरच्या दिशेने निघाले होते. त्यावेळी एका मालवाहतूक ट्रॅकच्या धडकेने त्यांचा जागीच मृत्यू झाला. नाईकरे यांनी रांजणगाव एमआयडीसी तील एका नामांकित त्यांनी कामगार संघटनेचे प्रतिनिधित्व केले होते.
त्यानंतर त्यांनी स्वेच्छा निवृत्ती घेऊन त्यांनी शिरुर परिसरात हॉटेल व्यवसाय सुरु केला होता. त्यांच्या निधनाने शिरुर परिसरात शोककळा पसरली आहे. आज सायंकाळी नऊ वाजण्याच्या सुमारास गोलेगाव येथील माळवस्ती येथे त्यांच्यावर अंत्यसंस्कार करण्यात येणार आहेत.
