bride
सांगली : राज्यभरात अनेक ठिकाणी खोटे लग्न लावून गंडा घालणार्या टोळीने कर्नाटकमध्येही अनेकांना फसवणाऱ्या टोळीला जेरबंद करण्यात पोलिसांना यश आले आहे. टोळीतील पल्लवी मंदार कदम तथा परवीन मोबीन मुजावर (रा. रेल्वे स्टेशन झोपडपट्टी, गांधीनगर, कोल्हापूर) हिने धुळे, शिरूर आणि कर्नाटकातील निपाणी येथील अनेकांची खोटी लग्ने लावून फसवणूक केली आहे. सध्या फसवणूक करणार्या टोळीची कारागृहात रवानगी करण्यात आली आहे.
पोलिसांनी दिलेल्या माहितीनुसार, खोटे लग्न लावून फसवणूक करणार्या दोन टोळ्यांचा संजयनगर पोलिसांनी नुकताच छडा लावला आहे. एका टोळीने सांगलीतील एका तरुणाची फसवणूक केली आहे. संशयित पल्लवी मंदार कदम तथा मूळ नाव परवीन मोबीन मुजावर (रा. रेल्वे स्टेशन झोपडपट्टी, गांधीनगर, कोल्हापूर) हिचे पहिले लग्न झाले असताना तिचे एकाशी दुसरे लग्न लावण्यात आले. मूळ नाव परवीन मुजावर असताना तिने पल्लवी कदम अशी स्वत:ची ओळख सांगितली होती.
लग्न लावून देण्यासाठी एजंट राणी ऊर्फ रत्नाबाई सुभाष कुंभार (रा. पंचशीलनगर, सांगली), राधिका रतन लोंढे (रा. न्यू इंग्लिश स्कूलजवळ, मिरज), सुमन दयानंद वाघमारे (रा. वैरण बाजारजवळ, मिरज) आणि नाईक नामक महिला (रा. कलानगर, सांगली) यांनी पुढाकार घेतला होता. फसवणुकीचा प्रकार उघडकीस आल्यानंतर त्या युवकाने संजयनगर पोलिस ठाण्यात फिर्याद दिली. त्यानुसार गुन्हा दाखल करून चौघींना अटक करण्यात आली होती.
दरम्यान, परवीन मुजावर हिने सांगलीतील युवकाबरोबरच धुळे, निपाणी आणि शिरूर येथेही खोटे लग्न करून फसवणूक केल्याचा प्रकार पोलिस तपासात उघडकीस आला आहे. सध्या फसवणूक करणार्या टोळीची पोलिस कोठडीची मुदत संपल्यानंतर कारागृहात रवानगी केली आहे. लवकरच धुळे, शिरूर आणि निपाणी पोलिस चौकशीसाठी परवीन मुजावर हिचा ताबा घेण्याची शक्यता आहे, पोलिस पुढील तपास करत आहेत.
शिरुर तालुक्यात लग्नाच्या मध्यरात्रीच दागिन्यांसह नवरीने ठोकली धूम…
शिरूर तालुक्यातून नवरीने लग्नानंतर ठोकली धूम…
शिरूर तालुक्यात अल्पवयीन मुलीला लग्नाचे आमिष दाखवून केला बलात्कार…
Video: युवतीची आई म्हणते, लग्नासाठी मुलगा पटव पण कसा पटवू…
शिरुर तालुक्यात लग्नाचे आमिष दाखवत परप्रांतीय युवकाचा अल्पवयीन मुलीवर अत्याचार; गुन्हा दाखल
शिक्रापूर : विद्यार्थ्यांनी केवळ उत्साही राहून चालणार नाही, तर ध्येयप्राप्तीसाठी वेडे होऊन सर्वस्व समर्पित करण्याची…
शिरुर (तेजस फडके): शिरुर ग्रामीण ग्रामपंचायतीच्या भोंगळ आणि निष्क्रिय कारभाराचा फटका बाबुरावनगर परिसरातील हजारो नागरिकांना…
पाबळ (सुनिल जिते): शिक्षणासाठी आर्थिक अडचणींशी झुंज देणाऱ्या विद्यार्थ्यांच्या पाठीशी खंबीरपणे उभे राहत कान्हूर मेसाई…
कर्जमाफी, ओबीसी आरक्षण आणि गोसीखुर्द कालवा दुर्घटनेवर सरकारला धारेवर धरले; ३ ऑगस्टपासून 'मंडल यात्रा'ची घोषणा.…
मुंबई: भायखळा येथील नूतनीकृत लोकशाहीर अण्णा भाऊ साठे नाट्यगृहाचे मुख्यमंत्री देवेंद्र फडणवीस यांच्या हस्ते लोकार्पण…
मुंबई: लोकशाहीर साहित्यरत्न अण्णाभाऊ साठे यांच्या नावाने नूतनीकरण व विस्तारीकरण करण्यात आलेल्या नाट्यगृहाचे लोकार्पण मुख्यमंत्री…