शिरुर (तेजस फडके): शिरुर पोलिस स्टेशनचे नवनियुक्त पोलिस निरीक्षक संजय जगताप यांनी चार्ज घेताच शिरुर पोलिस स्टेशनच्या हद्दीत गुन्हेगारांवर कारवाईचा बडगा उगारला असल्याने त्यामुळे सर्वसामान्य नागरिक समाधान व्यक्त करत आहेत. दोन दिवसांपुर्वीच इंस्टाग्रामवर कोयत्याचे स्टेटस ठेवणाऱ्या दोन युवकांवर कारवाई केल्याची घटना ताजी असताना आता गुनाट (ता. शिरुर) येथील वैभव उर्फ दत्तात्रय भाऊसाहेब झिटे या युवकावर शिरुर पोलिस ठाण्यात गुन्हा दाखल करण्यात आला आहे.
याबाबत शिरुर पोलिसांनी दिलेल्या माहितीनुसार गुनाट येथील वैभव झिटे याचे त्याच्या Vaibhav_zite.84 या इन्स्टाग्राम अकाउंटच्या स्टेटसला दहशत पसरवण्याच्या दृष्टीने तलवार असलेला फोटो ठेवला आहे अशी गोपनीय माहिती पोलीस उपनिरीक्षक एकनाथ पाटील यांना समजली. पाटील यांनी याबाबत पोलीस निरीक्षक संजय जगताप यांना सांगितल्याने त्यांनी लगेच पोलीस अधिकारी व अंमलदार यांना सूचना दिल्या. त्यानंतर पोलिसांनी आरोपीस अटक करुन तलवार जप्त केली. याबाबत शिरुर पोलिस स्टेशनचे गोपनीय पोलीस अंमलदार राजेंद्र गोपाळे यांनी फिर्याद दाखल केली आहे.
सदरची कारवाई पोलीस उपनिरीक्षक एकनाथ पाटील, पोलिस नाईक नाथा जगताप, पोलिस नाईक विनोद मोरे, विशाल कोथळकर, पोलिस हवालदार परशुराम सांगळे, पोलीस अंमलदार राजेंद्र गोपाळे, रघुनाथ हाळनोर, विनोद काळे, नितेश थोरात, बाळा भवर, सचिन भोई यांनी केली आहे. शिरुर पोलिस स्टेशनचे पोलिस निरीक्षक संजय जगताप यांच्या मार्गदर्शनाखाली या गुन्ह्याचा पुढील तपास पोलिस नाईक नाथा जगताप हे करत आहेत.
तसेच यापुढेही कोणी सोशल मिडियाद्वारे दहशत माजविण्याचा प्रकार केला तर त्यांच्यावर कडक कारवाई करण्यात येईल. असा इशारा पोलिस निरीक्षक संजय जगताप यांनी दिला आहे.
शिरूर लोकसभा निवडणूकसाठी मतदार पार पडले असून, ठिकठिकाणी चर्चांना उधाण आले आहे. अमोल कोल्हे पाच…
कान्हूर मेसाई (सुनिल जिते) लोकसभा निवडणुकीच्या चौथ्या टप्प्यात शिरूर मतदार संघासाठी सोमवारी मतदान झाले. कान्हूर…
तळेगाव ढमढेरे (योगेश शेंडगे) शिरुर तालुक्यातील तळेगाव ढमढेरे गावातील अतिशय महत्त्वाचा तसेच वर्दळीचा आणि पुणे-नगर…
शिक्रापुर (योगेश शेंडगे) शिरुर तालुक्यातील तळेगाव-न्हावरे रस्त्यावर (NH548D) न्हावरेच्या बाजुने तळेगाव ढमढेरेच्या दिशेने जाणारा भरधाव…
शिरुर (तेजस फडके) आज (दि 12) मे रोजी दिवसभर झी वाहिनीच्या विविध चॅनलवर स्वराज्याचे दुसरे…
शिरुर (तेजस फडके) ज्या भारतीय जनता पक्षाची तळी घेऊन आता तुम्ही एका शेतकऱ्याच्या पोराला पाडायला…