शिंदोडी (तेजस फडके) करडे गावातुन निमोणेकडे दुचाकीवरुन निघालेल्या ६० वर्षीय वृद्ध व्यक्तीला लंघेवाडी येथे दुपारच्या सुमारास भरधाव ट्रॅक्टरने जोरदार धडक बसली. त्यानंतर ट्रॅक्टर थेट अंगावरुनचं गेल्याने कैलास मारुती गायकवाड (वय ६०, रा. निमोणे) यांचा दुर्दैवी मृत्यू झाल्याची धक्कादायक घटना घडली आहे.
या धडकेचा आवाज एवढा प्रचंड होता की त्यामुळे आसपासचा परिसर हादरुन गेला. अपघातानंतर गायकवाड रस्त्यावर रक्ताच्या थारोळ्यात पडले होते. घटनेची माहिती मिळताच आपत्ती व्यवस्थापन संघ महाराष्ट्र राज्याचे संस्थापक/अध्यक्ष दौलत शितोळे यांच्या मार्गदर्शनाखाली रेस्क्यू टीमने तात्काळ घटनास्थळी धाव घेतली. तसेच अत्यवस्थ अवस्थेत असलेल्या गायकवाड यांना तत्काळ उपचारासाठी रुग्णालयात हलविण्यात आले; मात्र डॉक्टरांनी त्यांना मृत घोषित केले.
या भीषण अपघातामुळे करडे-लंघेवाडी परिसरात एकच खळबळ उडाली. यावेळी घटनास्थळी नागरिकांची मोठी गर्दी झाली होती. आपत्ती व्यवस्थापन संघाच्या रेस्क्यू टीमने मृतदेह बाहेर काढून पुढील कार्यवाहीसाठी प्रशासनाच्या ताब्यात दिला. याबाबत शिरुर पोलिस पुढील अधिक तपास करत आहेत.
शिक्रापूर : शिरूर तालुक्यातील वरुडे येथील एका अल्पवयीन मुलाने जुन्या वादाचा राग मनात धरून, गेल्या…
शिरूर (तेजस फडके) : नवीन खरेदी केलेल्या शेतजमिनीच्या वादातुन एकाने आपल्या साथीदारांच्या मदतीने एका चुलत…
शिक्रापुर (ओंकार भोरडे) शिरुर तालुक्यातील वरूडे गावात घराबाहेर झोपलेल्या व्यक्तीच्या निर्घृण हत्येचा उलगडा अवघ्या 36…
मुंबई : मराठा समाजातील विद्यार्थ्यांना शैक्षणिक सवलती, शेतकऱ्यांसाठी कर्जमाफी आणि नाशिक कुंभमेळ्यानिमित्त तपोवन विकासासाठी आर्थिक…
नागपूर: महायुती सरकारने जाहीर केलेली शेतकरी कर्जमाफी ही सरसकट नसून अनेक जाचक अटी-शर्तींनी युक्त असल्याने…
मुंबई: अखिल भारतीय मराठी चित्रपट महामंडळाच्या २०२६ ते २०३१ या पंचवार्षिक कार्यकाळासाठी झालेल्या निवडणुकीत निर्माता…