शिरुर (किरण पिंगळे): शिरुर तालुक्यातील पोलिस आणि पत्रकार यांनी विशेष मुलांच्या संस्थेत जाऊन त्यांच्या मुलांच्या हस्ते राख्या बांधून रक्षाबंधन सण साजरा केला.
शिरुर येथील आकांक्षा एज्युकेशनल फाऊंडेशन ही विशेष मुलांची संस्था गेल्या 7 वर्षांपासून कार्यरत आहे.या वर्षी पोलिस व पत्रकार यांचा रक्षाबंधन कार्यक्रम आयोजित करण्यात आला होता.यावेळी संस्थेच्या संस्थापिका राणीताई चोरे यांनी उपस्थितांचे स्वागत करत प्रास्ताविक केले. गेले 2 वर्षे कोरोना संकटामुळे सर्वच शाळा बंद होत्या. या संकटात विशेष मुलांचे मोठे हाल झाले. त्यानंतर सध्या शाळा सुरु झाल्याने संस्था चालविण्यात अनेक अडचणींचा सामना करावा लागत असल्याचे त्यांनी यावेळी सांगितले. तर उपस्थित पत्रकार मित्रांनी व पोलिस अधिकाऱ्यांनी देखील प्रत्येक अडचणीत ठाम मदत करणार असल्याची ग्वाही यावेळी त्यांना दिली.
पोलिस निरीक्षक सुरेशकुमार राऊत यांनी बोलताना सांगितले की, विशेष मुलांचा सांभाळ करणे हे आव्हान असते. कोरोना नंतर परिस्थिती बदलली आहे. पुढील काळात जी शक्य असेल ती मदत केली जाणार असल्याचे राऊत यांनी सांगितले. यावेळी पत्रकार अभिजीत आंबेकर, तेजस फडके, रवींद्र खुडे, किरण पिंगळे, सतीश केदारी, शैलेश जाधव, महिला पोलिस नाईक रेखा टोपे, पोलिस नाईक प्रताप टेंगले, मीना गवारे यांसह विशेष शिक्षिका अर्चना पाचर्णे, कीर्ती वाखारे, स्टाफ व मुले आवर्जून उपस्थित होते.
पावसाळ्यात पावसामुळे निसर्ग मस्त हिरवेगार बनते, त्यासोबतच उन्हाळ्यानंतर आपल्याला मानसिक शांतीही मिळते. पण त्याचबरोबर पावसाळ्यात…
तब्येत सांभाळण्यासाठी लोकांना पुरेसा वेळ मिळत नाही. पण अनेकांना हे माहीत नसतं की, आयुर्वेदात अशा…
खूप मोबाईल किंवा टीव्ही पाहतात म्हणून फक्त लहान मुलांनाच दोष देऊन उपयोग नाही. कारण त्यांच्या…
दोषमुक्तीचा अर्ज उच्च न्यायालयाकडून फेटाळला नाशिक: युनियन बँक ऑफ इंडिया आणि बँक ऑफ महाराष्ट्र यांच्या…
अमरावती: शिक्षकांच्या प्रश्नांना सरकार प्राधान्य देईल आणि महायुतीचे उमेदवार किरण सरनाईक यांनी वचननाम्यात दिलेली आश्वासने…
अमरावती: देशातील लोकशाही व्यवस्था, भारतीय संविधान आणि बहुजन समाजाचे अधिकार सुरक्षित ठेवण्यासाठी काँग्रेस कार्यकर्त्यांनी निर्भीडपणे…