शिरुर तालुक्यातील सविंदणे गावचे अरुणकुमार मोटे ‘निर्भीड पत्रकार’ पुरस्काराने सन्मानित

शिरुर (तेजस फडके) ‘दैनिक प्रभात’ तसेच ‘शिरुर तालुका डॉट कॉम’ चे निर्भीड पत्रकार अरुणकुमार मोटे यांना आज (दि १५) ऑगस्ट रोजी स्वातंत्र्यदिनाचे औचित्य साधुन ‘रामलिंग महिला उन्नती बहुउद्देशीय सामाजिक संस्था तसेच राष्ट्रवादी काँग्रेस शरदचंद्र पवार पक्ष शिरुर शहर’ यांच्या संयुक्त विद्यमाने शिरुर-हवेलीचे आमदार ॲड अशोक पवार, तहसिलदार बाळासाहेब म्हस्के यांच्या हस्ते निर्भीड पत्रकार पुरस्कार देऊन सन्मानित करण्यात आले.

 

पत्रकार अरुणकुमार मोटे यांनी तालुक्यातील महसूल विभाग, पोलिस विभाग, शिक्षण विभाग, पंचायत समिती, नगरपालिका प्रशासन या ठिकाणी सामन्य नागरिकांना न्याय मिळवून देण्यासाठी निर्भिडपणे वृत्तांकन करत बातम्या प्रसिद्ध केल्या आहेत. ते गेल्या अनेक दिवसांपासून लोकशाहीचा चौथा आधारस्तंभ म्हणून पत्रकारितेच्या माध्यमातून परखड भुमिका मांडून उरलेल्या तीन आधारस्तंभांवर लक्ष ठेवण्याचे काम करत आहेत. बातमी बरोबरच त्या बातमीतील घटना, घटना घडण्यामागे असलेले राजकीय सामाजिक व आर्थिक प्रवाह व शक्ती आणि घटनांचे संभाव्य परिणाम यांचे विश्लेषण करुन वाचकांपर्यंत ते पोहचवत असतात.

 

त्यामुळे पत्रकारिता क्षेत्रातील त्यांच्या या कामाची दखल घेऊन ‘रामलिंग महिला उन्नती सामाजिक संस्थेच्या अध्यक्षा राणीताई कर्डीले तसेच ‘राष्ट्रवादी काँग्रेस शरदचंद्र पवार पक्ष शिरुर शहर’ यांच्या संयुक्त विद्यमाने शिरुर-हवेलीचे आमदार पवार तसेच शिरुरचे तहसिलदार म्हस्के यांच्या हस्ते निर्भीड पत्रकार पुरस्कार देऊन सन्मानित करण्यात आले.

 

यावेळी राष्ट्रवादी काँग्रेस शरद चंद्र पवार पक्ष महिला अध्यक्ष डॉ स्मिता कवाद, युवती अध्यक्षा गीता आढाव, नगरपालिका शिरुर मुख्याधिकारी स्नेहा काळे, पंचायत समिती गटविकास अधिकारी महेश डोके, विविध राजकीय पक्षांचे पदाधिकारी, शासकीय कर्मचारी अधिकारी, माजी सैनिक, सामाजिक कार्यकर्ते, महिला भगिनी, पत्रकार बांधव आदी उपस्थित होते.

मुंबई: शिरुरचे आरटीआय कार्यकर्ते अशोक भोरडे यांचे विविध मागण्यासाठी आझाद मैदानात बेमुदत उपोषण सुरु

शिरुर तालुक्यातील गुनाट येथे सर्वसामान्य कुटुंबातील महिलेला ध्वजारोहणचा मान

शिरुर तालुक्यात पतीच्या नातेवाईकाकडुन विवाहित महिलेचा विनयभंग