कारेगावमध्ये गुटखा जप्त; दोघांविरुद्ध गुन्हा दाखल

कारेगाव (तेजस फडके) रांजणगाव एमआयडीसी पोलीस ठाण्याच्या कार्यक्षेत्रात येणाऱ्या कारेगाव गावातील टपऱ्यांवर छापा टाकून पोलीसांनी महाराष्ट्र शासनाने बंदी घातलेला तंबाखूजन्य पदार्थ व गुटखा जप्त केला. याप्रकरणी दोन जणांविरुद्ध गुन्हा दाखल करण्यात आला आहे.

या प्रकरणी पोलीस कॉन्स्टेबल पंडीत शंकरराव मुंडे (वय ४२) यांनी फिर्याद दिली असुन महेश मच्छिंद्र जाधव (वय ३२) तसेच राकेश राजु गुप्ता (वय ३०) दोघेही रा. बाभुळसर रोड, कारेगाव, ता. शिरुर, जि. पुणे) अशी कारवाई झालेल्या दोघांची नावे असुन दि ८जून २०२५ रोजी सायंकाळी ६:४५ च्या दरम्यान कारेगावच्या हद्दीत “कारेश्वर जनरल स्टोअर्स” व “बालाजी पान शॉप” या दोन टपऱ्यांवर कारवाई करण्यात आली आहे.

या कारवाई दरम्यान पोलिसांना विविध प्रकारचे विमल, सम्राट, गोवा १०००, राजश्री, रजनीगंधा व प्रिमियम राजश्री पान मसाला यांचे सुटे व पॅकबंद पुडे सापडले. जप्त केलेल्या मालाची एकूण किंमत ५३९९ इतकी असल्याचे पोलिसांनी सांगितले.

रांजणगाव पोलीसांनी दिलेल्या माहितीनुसार, या दोन्ही आरोपींकडे महाराष्ट्र शासनाने प्रतिबंधित केलेला गुटखा विक्रीसाठी ठेवलेला आढळून आल्याने त्यांच्या विरोधात भारतीय दंड विधान संहिता कलम तसेच अन्न व सुरक्षा मानके कायदा अंतर्गत विविध कलमांखाली गुन्हा दाखल करण्यात आला आहे. या प्रकरणाचा पुढील अधिक तपास पोलीस हवालदार अभिमान कोळेकर करीत आहेत.

करडे-न्हावरे रस्त्यावर भीषण अपघात; अज्ञात वाहनाच्या धडकेत वडिलांचा मृत्यू, चालक फरार

रांजणगाव तिहेरी हत्याकांड; लव्ह, सेक्स आणि धोका…?

शिरुर मध्ये सामाजिक कार्यकर्ते निलेश वाळुंज यांच्यासह कार्यकर्त्यांचे सामुहिक मुंडण