pooja-gai-shirur
शिरूर: शिरूर शहरातील बाबुरानगर येथील एका खासगी रुग्णालयात हाताच्या फ्रॅक्चरवर शस्त्रक्रिया सुरू असताना एका विवाहित महिलेचा संशयास्पद मृत्यू झाल्याने मोठी खळबळ उडाली आहे. पूजा राहुल गई (वय २८) असे मृत महिलेचं नाव आहे. याप्रकरणी डॉक्टरांच्या निष्काळजीपणामुळेच पत्नीचा जीव गेल्याचा गंभीर आरोप तिच्या पतीने केला आहे.
मिळालेल्या माहितीनुसार, शिरूर शहरातील बाबुरानगर परिसरात असलेल्या ‘कोळपे मल्टीस्पेशालिस्ट हॉस्पिटल’मध्ये ही घटना घडली. ४ ऑगस्ट रोजी दुचाकीवरून जात असताना अचानक पडल्यामुळे पूजा गई यांच्या उजव्या हाताला गंभीर दुखापत झाली होती. कुटुंबीयांनी त्यांना तातडीने रुग्णालयात दाखल केले. तेथे वैद्यकीय तपासणी केल्यानंतर त्यांच्या हाताचे हाड फ्रॅक्चर झाल्याचे निष्पन्न झाले. डॉक्टरांनी त्यांच्या हातावर शस्त्रक्रिया करण्याचा सल्ला दिला.
पूजा यांच्यावर शस्त्रक्रिया करण्यासाठी ६ ऑगस्ट रोजी सकाळी ११ वाजण्याच्या सुमारास त्यांना ऑपरेशन थिएटरमध्ये नेण्यात आले. शस्त्रक्रिया सुरू असताना अचानक ऑपरेशन थिएटरमध्ये काहीतरी गडबड असल्याचे नातेवाईकांच्या लक्षात आले. पती राहुल गई यांनी संशय आल्याने ऑपरेशन थिएटरचा दरवाजा ठोठावला, मात्र आतून कोणताही प्रतिसाद मिळाला नाही. त्यानंतर सुमारे तीन तासांनी डॉक्टरांनी बाहेर येऊन पूजा गई यांचा मृत्यू झाल्याची धक्कादायक माहिती कुटुंबीयांना दिली. यामुळे मृत महिलेच्या कुटुंबीयांना मोठा धक्का बसला आहे. उपचारादरम्यान डॉक्टरांनी केलेल्या निष्काळजीपणामुळेच पूजा यांचा मृत्यू झाल्याचा आरोप पतीने केला आहे. या घटनेची माहिती मिळताच शिरूर पोलिसांनी तातडीने रुग्णालयात धाव घेऊन अकस्मात मृत्यूची नोंद केली आहे.
दरम्यान, महिलेच्या मृत्यूचे नेमके कारण समजण्यासाठी मृतदेह पुण्यातील ससून रुग्णालयात शवविच्छेदनासाठी पाठवण्यात आला आहे. या प्रकरणात वैद्यकीय निष्काळजीपणा निष्पन्न झाल्यास दोषी डॉक्टरांवर कठोर कायदेशीर कारवाई करण्यात यावी, अशी आक्रमक मागणी मृत महिलेच्या कुटुंबीयांनी केली आहे. आता ससून रुग्णालयाच्या शवविच्छेदन अहवालानंतरच मृत्यूचे खरे कारण स्पष्ट होणार असल्याने सर्वांचे लक्ष या अहवालाकडे लागले आहे.
माझ्याकडे रुग्णांना गोळ्या औषधे घेण्यासाठी का पाठवत नाही म्हणत शिरूरमध्ये रुग्णालयात डॉक्टरवर हल्ला
शिरूर शहरात महिलेची रस्त्यातच प्रसूती; माणुसकीचे घडले दर्शन पण…
शिरुर; हायटेक ‘गर्भलिंग निदान’ रॅकेटमध्ये तालुक्यातील नामांकित डॉक्टरांचा सहभाग…?
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…