शिरूर (तेजस फडके): शिरूर शहरात प्रसूतीच्या कळांनी विव्हळणाऱ्या एका मातेला रुग्णालयापर्यंत पोहोचणेही कठीण झाले असताना, एका महिला डॉक्टरने भररस्त्यात प्रसूती करून त्या मायलेकीचे प्राण वाचवले आहेत.
View this post on Instagram
शिरूर शहरातील जोशीवाडी येथील एक गरोदर महिला आज (शनिवार) सकाळी प्रसूती कळा सुरू झाल्याने शिरूर ग्रामीण रुग्णालयाकडे निघाली होती. मात्र, रुग्णालयाच्या अगदी जवळ पोहोचली असतानाच तिला होणाऱ्या कळा असह्य झाल्या. वेदनेने विव्हळत भररस्त्यातच बसून राहिली. रस्त्यावरून येणाऱ्या-जाणाऱ्या नागरिकांच्या ही बाब लक्षात येताच तिथे गर्दी जमली. परिस्थितीचे गांभीर्य ओळखून काहींनी तातडीने जवळच असलेल्या डॉ. सुनीता पोटे यांना संपर्क साधला आणि मदतीसाठी बोलावले.
डॉ. पोटे यांनी घटनास्थळी धाव घेतली. महिलेची अवस्था पाहून रुग्णालयात हलवणे शक्य नसल्याचे त्यांच्या लक्षात आले. जराही उशीर झाला असता, तर बाळ किंवा बाळंतीण यांच्या जिवाला धोका निर्माण झाला असता. यामुळे डॉ. पोटे यांनी भररस्त्यातच प्रसूती करण्याचा धाडसी निर्णय घेतला. डॉक्टरांनी अत्यंत कौशल्याने रस्त्यावरच सर्व प्रक्रिया पार पाडली आणि काही मिनिटांच्या तणावानंतर अचानक तिथे एका नवजात बालकाच्या रडण्याचा आवाज सुरू झाला.
View this post on Instagram
डॉ. पोटे या बाळाला हातात घेऊन उभ्या राहिल्यानंतर उपस्थितांचा जीव भांड्यात पडला. बाळाच्या आवाजाने रस्त्यावर आनंदाचे वातावरण पसरले. डॉ. सुनीता पोटे यांनी दाखवलेले प्रसंगावधान आणि कर्तव्याप्रति असलेली निष्ठा पाहून त्यांचे सर्वत्र कौतुक होत आहे.
शिरूर तालुक्यात हायटेक ‘गर्भलिंग निदान’ रॅकेट; नामांकित डॉक्टर सामील…?
माझ्याकडे रुग्णांना गोळ्या औषधे घेण्यासाठी का पाठवत नाही म्हणत शिरूरमध्ये रुग्णालयात डॉक्टरवर हल्ला
शिरूर! हायटेक ‘गर्भलिंग निदान’ रॅकेटमध्ये अनेक धक्कादायक बाबी…?
