शिरुर (तेजस फडके): शिरुर तालुक्यातील अनोसेवाडी येथील वाडी-वस्त्यांवर अनेक वर्षांपासून अंधाराचे साम्राज्य होते. रात्रीच्या वेळी महिलांना, ज्येष्ठ नागरिकांना तसेच औद्योगिक वसाहतीत कामासाठी जाणाऱ्या कामगारांना मोठ्या अडचणींचा सामना करावा लागत होता. मात्र दिलेला शब्द पाळत करडे गावचे सुपुत्र आर बी पाटील (राजेंद्र) जगदाळे यांनी या समस्येवर ठोस उपाय करत वाडी-वस्त्यांवर पथदिवे बसवून प्रकाशाचा मार्ग खुला केला.
जिल्हा परिषद निवडणुकीच्या पार्श्वभूमीवर राष्ट्रवादी काँग्रेस पक्षाचे उमेदवार वृषाली वाळके आणि दिपक पवार यांच्या प्रचारासाठी आर बी जगदाळे पाटील अनोसेवाडीत गेले होते. त्यावेळी ग्रामस्थांनी वाडी-वस्त्यांवरील प्रचंड अंधार असुन गावातील विजेच्या खांबावर पथदिवे नसल्याची व्यथा त्यांच्याकडे मांडली होती. त्यावेळी हा “अंधार दूर करुन अनोसेवाडीत प्रकाश आणणार,” असे आश्वासन आर बी जगदाळे पाटील यांनी ग्रामस्थांना दिले होते.
निवडणुकीचा निकाल लागल्यानंतरही दिलेला शब्द विसरुन न जाता जगदाळे यांनी प्रत्यक्ष अनोसेवाडीत जाऊन पथदिवे बसविण्याचे काम पूर्ण करुन दाखवले. या कामामुळे रात्रीच्या वेळी बाहेर पडणाऱ्या नागरिकांना मोठा दिलासा मिळाला आहे. विशेषतः महिलांच्या सुरक्षिततेच्या दृष्टीने हा निर्णय महत्त्वपूर्ण ठरला आहे. औद्योगिक वसाहतीत कामासाठी जाणाऱ्या कामगारांना आता अंधारातून मार्ग काढावा लागत नाही.
त्यामुळे ग्रामस्थांनी आर बी जगदाळे पाटील यांचे मनापासून आभार मानत, “राजकारणात शब्द पाळणारा नेता क्वचितच पाहायला मिळतो; पण जगदाळे यांनी कृतीतून विश्वास जिंकला,” अशी भावना व्यक्त केली.
निवडणुकीतील प्रचारापुरते आश्वासन न ठेवता प्रत्यक्ष काम करून दाखवणाऱ्या आर. बी. जगदाळे पाटील यांच्या या पुढाकारामुळे अनोसेवाडीच्या वाडी-वस्त्यांवर खऱ्या अर्थाने प्रकाश पडला असून, विकासाच्या दिशेने एक सकारात्मक पाऊल उचलले गेले आहे.
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…
महायुती सरकारवर काँग्रेस प्रदेशाध्यक्षांचा जोरदार हल्लाबोल; ‘गोकुळ’वर कब्जा करण्याचा सरकारचा डाव असल्याचा आरोप मुंबई: राज्यातील…
मुंबई: महाराष्ट्राच्या सार्वजनिक आरोग्य विभागाच्या इतिहासात आज ऐतिहासिक नोंद झाली आहे. एकाच वेळी तब्बल १,४४० नवनियुक्त…
१३ दिवसांच्या आंदोलनानंतर दाखल गुन्ह्यांत न्यायालयीन दिलासा; अतिरिक्त सत्र न्यायालयाकडून अंतरिम जामीन कायम शिरूर: पुणे-अहिल्यानगर राष्ट्रीय…