शिरुर (तेजस फडके) शिरुर शहरातील लाटेआळी-आंबेडकरनगर परिसरात शुक्रवारी (१८) सकाळी साडे-सहाच्या सुमारास झालेल्या गोळीबारात हरिष गंगावणे (वय ३४) या तरुणाचा मृत्यू झाल्याने संपुर्ण शहर हादरले होते. गोळीबार करुन आरोपी पसार झाल्याने पोलिसांसमोर मोठे आव्हान उभे राहिले होते. मात्र, शिरुर पोलिसांच्या डी.बी. पथकाने तपासाची चक्रे वेगाने फिरवत तांत्रिक विश्लेषण आणि गोपनीय माहितीच्या आधारे अवघ्या ४८ तासांत तीन संशयित आरोपींना शेजारच्या अहिल्यानगर जिल्ह्यातुन ताब्यात घेतले.
दि. १८ सप्टेंबर २०२६ रोजी सकाळी साडेसहा वाजण्याच्या सुमारास लाटेआळी-आंबेडकरनगर परिसरात तौफिक अन्सारी यांच्या घरासमोरील रस्त्यावर हरिष दादाभाऊ गंगावणे (वय ३४) यांच्यावर गोळीबार करण्यात आला. पोलिसांच्या माहितीनुसार, दोन लाख रुपये खिशातून काढल्याचा जाब विचारल्याच्या कारणावरुन वाद झाला.
यावेळी रोहित सोनवणे याने पिस्तुलातून गंगावणे यांच्या कानामागील मानेच्या उजव्या बाजूस गोळी झाडल्याने या हल्ल्यात गंभीर जखमी झालेल्या गंगावणे यांचा मृत्यू झाला. या प्रकरणी शिरूर पोलीस ठाण्यात भारतीय न्याय संहिता तसेच शस्त्र अधिनियमाच्या विविध कलमांनुसार गुन्हा दाखल करण्यात आला.
आरोपींचा शोध घेण्यासाठी पोलिसांची धावपळ…
हि घटना घडल्यानंतर आरोपी पसार झाल्याने त्यांचा माग काढणे हे शिरुर पोलिसांसमोरचे पहिले आव्हान होते. पोलीस निरीक्षक विनोद पाटील यांनी तपास पथकाला तातडीने आरोपींचा शोध घेण्याचे आदेश दिले. त्यानंतर पोलिसांनी तांत्रिक विश्लेषणासह गोपनीय माहितीच्या आधारे आरोपींच्या हालचालींचा माग काढला. तपासादरम्यान तीनही आरोपी सुपा (जि.अहिल्यानगर) टोलनाका परिसरात येणार असल्याची माहिती पोलिसांना मिळाली.
माहिती मिळताच पोलीस उपनिरीक्षक शुभम चव्हाण यांच्या नेतृत्वाखाली DB (गुन्हे शोध पथक) पथकाने सुपा टोलनाका परिसर गाठला. पोलिसांनी सापळा रचला आणि संशयित हालचालींवर नजर ठेवत योग्य क्षणी शिताफीने रोहित रविंद्र सोनवणे (वय २४, रा. करडे), अनिकेत विलास गव्हाणे (वय २३) आणि आदित्य दादाभाऊ पवार (वय १९), दोघेही रा. गव्हाणवाडी, ता. श्रीगोंदा, जि. अहिल्यानगर, या तीनही आरोपीना ताब्यात घेतले.
पिस्तूल कुठून आले…? तपासाची दिशा महत्त्वाची…
या प्रकरणाला आणखी गंभीर वळण देणारी बाब म्हणजे पोलिसांच्या माहितीनुसार, ताब्यात घेतलेल्या आरोपींवर यापुर्वी अवैध गावठी पिस्तूल बाळगणे, मारहाण आणि जबरी चोरीसारख्या गुन्ह्यांची नोंद आहे. त्यामुळे आता पोलिसांच्या तपासाची दिशा केवळ खुनाच्या घटनेपुरती मर्यादित राहणार नाही. गोळीबारासाठी वापरलेले पिस्तूल नेमके कुठून आले…? शिरुरमध्ये अवैध शस्त्रांचा पुरवठा कोण करतो…? या घटनेत आणखी कोणाचा सहभाग आहे का…? आरोपींच्या पुर्वीच्या गुन्हेगारी हालचालींचा या प्रकरणाशी संबंध आहे का…? या प्रश्नांची उत्तरे तपासातून समोर येणे महत्त्वाचे ठरणार आहे.
४८ तासांत कारवाई; आता तपासाच्या पुढील टप्प्याकडे लक्ष…
शिरुर शहरातील गोळीबाराच्या घटनेनंतर आरोपींना दुसऱ्या जिल्ह्यातुन ताब्यात घेण्यात शिरुर पोलिसांना यश आले असले, तरी या प्रकरणाचा तपास अद्याप महत्त्वाच्या टप्प्यावर आहे. आरोपींच्या हालचाली, शस्त्राचा स्रोत, घटनेमागील कारण आणि संभाव्य सहकाऱ्यांची भूमिका याबाबत तपासातून आणखी माहिती समोर येण्याची शक्यता आहे.
गोळीबारानंतर आरोपींनी शिरुरच्या बाहेर निसटण्याचा प्रयत्न केला; मात्र पोलिसांच्या तपासाच्या जाळ्यातून त्यांना सुटका मिळाली नाही. आता आरोपी जेरबंद झाले असले तरी या गोळीबारामागील संपूर्ण साखळी आणि अवैध शस्त्रांचा स्रोत उघडकीस आणण्याचे आव्हान शिरुर पोलिसांसमोर आहे.
सदरची कारवाई पुणे ग्रामीणचे पोलिस अधिक्षक पोलीस अधीक्षक संदिप सिंह गिल्ल, अपर पोलीस अधीक्षक डॉ शुभम कुमार, उपविभागीय पोलीस अधिकारी रविंद्र भोसले आणि शिरुरचे पोलीस निरीक्षक विनोद पाटील यांच्या मार्गदर्शनाखाली करण्यात आली. पोलीस उपनिरीक्षक शुभम चव्हाण, नितेश थोरात, विजय शिंदे, नीरज पिसाळ, निखील रावडे, अंबादास थोरे, सचिन भोई, राहुल वाघमोडे, दादाराव नागरे आणि अजय पाटील यांच्या पथकाने हि कारवाई केली. या गुन्ह्याचा पुढील तपास सहाय्यक पोलीस निरीक्षक नितीन केनेकर हे करत आहेत.
Video! शिरूर शहरात पहाटे गोळीबार; तरुणाचा मृत्यू
Video! शिरूरमध्ये झालेल्या गोळीबारातील हरिश गंगावणे याच्या खुनाची Inside Story
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…