मुख्य बातम्या

रांजणगाव गणपतीत ऐन पावसाळ्यात पाणीटंचाई; कोंढापुरी तलावात चासकमानचे पाणी सोडा; शेखर पाचुंदकर

रांजणगाव गणपती (तेजस फडके) शिरुर तालुक्यातील रांजणगाव गणपती परिसरात ऐन पावसाळ्याच्या दिवसांतच पाणीटंचाई निर्माण झाल्याने नागरिकांमध्ये नाराजी व्यक्त होत आहे. दुसरीकडे चासकमान धरण क्षेत्रात झालेल्या मुसळधार पावसामुळे धरणातील पाणीसाठा ५६ टक्क्यांवर पोहोचला असून, रांजणगाव गणपती परिसरातील नागरिकांची पाण्याची गैरसोय दूर करण्यासाठी चासकमान धरणातून कोंढापुरी येथील तलावात तातडीने पाणी सोडण्यात यावे, अशी मागणी माजी जिल्हा परिषद सदस्य शेखर पाचुंदकर यांनी केली आहे.

रांजणगाव गणपती हे शिरुर तालुक्यातील महत्त्वाचे आणि प्रसिद्ध धार्मिक स्थळ आहे. येथे श्री महागणपतीचे मंदिर असल्याने दररोज मोठ्या संख्येने भाविकांची ये-जा असते. तसेच रांजणगाव MIDC परिसरामुळे या भागात कामगार, स्थानिक नागरिक, व्यावसायिक आणि बाहेरुन येणाऱ्या लोकांची वर्दळ मोठ्या प्रमाणात असते. अशा महत्त्वाच्या ठिकाणी पावसाळ्यातही पाणीटंचाई जाणवणे ही गंभीर बाब असल्याचे नागरिकांचे म्हणणे आहे.

सध्या रांजणगाव गणपती आणि परिसरात नागरिकांना पाण्यासाठी अडचणींना सामोरे जावे लागत आहे. काही भागात पाणीपुरवठा अनियमित होत असल्याच्या तक्रारी नागरिकांकडून केल्या जात आहेत. पावसाळा सुरु असतानाही पाण्याची कमतरता भासणे हे स्थानिक प्रशासन आणि संबंधित विभागांसाठी चिंतेचे कारण आहे.

दरम्यान, चासकमान धरण परिसरात झालेल्या चांगल्या पावसामुळे धरणातील पाणीसाठा ५६ टक्क्यांवर पोहोचला आहे. त्यामुळे या पाण्याचा योग्य नियोजन करुन कोंढापुरी तलावात पाणी सोडल्यास रांजणगाव गणपती परिसरातील पाणीटंचाई कमी होण्यास मदत होईल, असे मत माजी जिल्हा परिषद सदस्य शेखर पाचुंदकर यांनी व्यक्त केले आहे.

पुढे बोलताना शेखर पाचुंदकर यांनी सांगितले की, रांजणगाव गणपती परिसरातील नागरिकांना पाण्यासाठी त्रास सहन करावा लागत आहे. पावसाळ्यातही पाणीटंचाई निर्माण झाल्याने काही ठिकाणी टँकरने पाणीपुरवठा होत आहे. हि अत्यंत दुर्दैवी बाब आहे. चासकमान धरणात सध्या समाधानकारक पाणीसाठा उपलब्ध असल्याने कोंढापुरी तलावात पाणी सोडण्याचा निर्णय तातडीने घेणे गरजेचे आहे. यामुळे नागरिकांना मोठा दिलासा मिळेल.

रांजणगाव गणपती परिसरातील पाणीपुरवठा सुरळीत राहावा, यासाठी संबंधित विभागांनी केवळ तात्पुरती उपाययोजना न करता ठोस नियोजन करण्याची गरज आहे. पावसाळ्यात पाणी उपलब्ध असूनही नागरिकांना टंचाईचा सामना करावा लागत असेल, तर पाणी व्यवस्थापनात गंभीर त्रुटी असल्याचे स्पष्ट होते. त्यामुळे पाटबंधारे विभाग, स्थानिक प्रशासन आणि लोकप्रतिनिधींनी या प्रश्नाकडे गांभीर्याने पाहण्याची आवश्यकता आहे.

कोंढापुरी तलावात पाणी सोडल्यास रांजणगाव गणपतीसह आसपासच्या भागातील नागरिकांना पिण्याच्या पाण्याचा आधार मिळू शकतो. तसेच स्थानिक जनावरांच्या पाण्याचा प्रश्न आणि इतर दैनंदिन गरजांसाठीही मदत होऊ शकते. त्यामुळे प्रशासनाने वेळ न दवडता या मागणीवर सकारात्मक निर्णय घ्यावा, अशी मागणी नागरिकांतूनही होत आहे.

धरणात पाणीसाठा उपलब्ध असताना रांजणगाव गणपतीसारख्या महत्त्वाच्या गावात पाणीटंचाई निर्माण होणे हे नियोजनाच्या अभावाचे लक्षण मानले जात आहे. त्यामुळे संबंधित अधिकाऱ्यांनी प्रत्यक्ष परिस्थितीचा आढावा घेऊन कोंढापुरी तलावात चासकमान धरणातून पाणी सोडण्याबाबत तातडीने कार्यवाही करावी, अशी मागणी माजी जिल्हा परिषद सदस्य शेखर पाचुंदकर यांनी केली आहे. तसेच चासकमानचे कार्यकारी अभियंता जाधवर यांच्याशी याबाबत संपर्क साधला असल्याचेही पाचुंदकर यांनी यावेळी सांगितले. 

शिरूर तालुका टीम

Recent Posts

शिरूर तालुक्यात ७० लाखांची खंडणी मागून महाविद्यालयाला वेठीस धरण्याचा प्रयत्न! एकाची थेट येरवडा कारागृहात रवानगी…

शिरूर (तेजस फडके) : शिक्षण संस्थेच्या नावाने दबावतंत्राचा खेळ खेळायचा, विद्यापीठापासुन विविध शिखर परिषदांपर्यंत तक्रारींची…

46 मिनिटे ago

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

1 दिवस ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

2 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

2 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

2 दिवस ago

मराठवाड्यात काँग्रेस संघटना मजबूत करण्यासाठी सपकाळ मैदानात; बूथपासून जिल्हास्तरापर्यंत बांधणीचे निर्देश

SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…

2 दिवस ago