मुख्य बातम्या

दादागिरी, खंडणी आणि धमक्यांना शून्य सहनशीलता; तक्रार करा, कठोर कारवाई करू – पीआय चंद्रशेखर यादव

शिक्रापूर पोलिसांची व्यापाऱ्यांसोबत समन्वय बैठक; वाहतूक, अतिक्रमण, पार्किंगसह सुरक्षेच्या प्रश्नांवर उपाययोजनांचे आश्वासन

शिक्रापूर (अक्षय टेमगिरे): व्यापाऱ्यांना सुरक्षित, भयमुक्त आणि कायद्याचे संरक्षण असलेले वातावरण उपलब्ध करून देण्याच्या उद्देशाने शिक्रापूर पोलीस स्टेशनच्या वतीने बुधवारी (दि. ८) व्यापारी असोसिएशन व विविध व्यावसायिकांची समन्वय बैठक आयोजित करण्यात आली. बैठकीत व्यापाऱ्यांच्या समस्या जाणून घेत त्यावर तातडीने उपाययोजना करण्याचे आश्वासन पोलिसांनी दिले.

बैठकीत बेकायदेशीर पार्किंग, फुटपाथवरील अतिक्रमणे, रस्त्यात उभ्या राहणाऱ्या रिक्षा व इतर वाहने, भाजी विक्रेते, विरुद्ध दिशेने येणारी वाहने, मोठ्या आवाजाचे सायलेंसर, अनधिकृत गतिरोधक, कंपन्यांच्या बसथांब्यांमुळे निर्माण होणाऱ्या अडचणी, विनापरवाना फ्लेक्स, अनधिकृत लाईट खांब, पानटपऱ्या आणि वाहतूक कोंडी या विषयांवर सविस्तर चर्चा झाली.

यावेळी पोलीस निरीक्षक चंद्रशेखर यादव यांनी स्पष्ट इशारा देत सांगितले की, “कोणतीही व्यक्ती दादागिरी करत असेल, खंडणी किंवा पैशांची मागणी करत असेल, धमक्या देत असेल किंवा बेकायदेशीर दबाव टाकत असेल तर व्यापाऱ्यांनी तात्काळ पोलिसांशी संपर्क साधावा. अशा प्रकरणांत संबंधितांविरुद्ध त्वरित गुन्हे दाखल करून कठोर कायदेशीर कारवाई केली जाईल.”

परिसरातील चोऱ्या रोखण्यासाठी नियमित पोलीस गस्त वाढविणे, वाहतूक व्यवस्थापन अधिक प्रभावी करणे, अपघात टाळण्यासाठी नियोजन करणे आणि व्यापाऱ्यांच्या सुरक्षेसाठी २४ तास मदत उपलब्ध करून देण्याची ग्वाहीही त्यांनी दिली. संशयास्पद हालचाली किंवा बेकायदेशीर प्रकार दिसताच विलंब न करता पोलीस प्रशासनाला माहिती देण्याचे आवाहनही करण्यात आले.

बैठकीत व्यापारी असोसिएशनचे अध्यक्ष नवनाथ सासवडे, संभाजी मांढरे यांच्यासह अनेक व्यापाऱ्यांनी वाहतूक, अतिक्रमण, पार्किंग आणि इतर स्थानिक समस्यांबाबत मते मांडली. पोलीस निरीक्षक यादव यांनी स्वतःचा मोबाईल क्रमांक व्यापाऱ्यांना देत समस्या थेट फोन किंवा संदेशाद्वारे कळविण्याचे आवाहन केले.

या बैठकीस गोपनीय अंमलदार संदीप कारंडे, भाजपा नेते पंढाभाऊ गायकवाड, निलेश राऊत, शरद टेमगिरे, प्रकाश चव्हाण, अतुल पानमंत, अंकुश घारे यांच्यासह मोठ्या संख्येने व्यापारी उपस्थित होते.

बैठकीतील सकारात्मक भूमिकेचे व्यापाऱ्यांनी स्वागत करत पोलीस प्रशासनाचे आभार मानले. व्यापारी व पोलीस प्रशासन यांच्यातील समन्वय अधिक मजबूत करण्यासाठी अशा बैठका नियमितपणे आयोजित करण्याची अपेक्षाही यावेळी व्यक्त करण्यात आली.

शिरूर तालुका टीम

Recent Posts

Video! शिक्रापूर-मलठण रस्त्याच्या कामाला मुहूर्त कधी? लोखंडी गजांच्या वापराबाबतही संशय, नागरिकांचा संताप अनावर…

शिक्रापूर (तेजस फडके) : शिक्रापूर ते मलठण या महत्त्वाच्या रस्त्याच्या कामाचा खेळखंडोबा सुरूच असून, रस्ता…

6 तास ago

शिरूर तालुक्यात ७० लाखांची खंडणी मागून महाविद्यालयाला वेठीस धरण्याचा प्रयत्न! एकाची थेट येरवडा कारागृहात रवानगी…

शिरूर (तेजस फडके) : शिक्षण संस्थेच्या नावाने दबावतंत्राचा खेळ खेळायचा, विद्यापीठापासुन विविध शिखर परिषदांपर्यंत तक्रारींची…

1 दिवस ago

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

2 दिवस ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

3 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

3 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

3 दिवस ago