डास, माश्यांमुळे झालात हैराण! तर घराभोवती ‘ही’ झाडे लावा डासांपासून होईल मुक्ती

गवती चहा:- गवती चहाला थोडा उग्र वास असतो, ज्यामुळे डास पळून जातात. त्यामुळे गवती चहाचे रोपटे घराच्या बाल्कनीत किंवा खिडकीजवळ ठेवा. हे अनेक औषधी गुणधर्मांनी परिपूर्ण आहे.

झेंडू:- झेंडूची फुले तुमच्या घराच्या बाल्कनीचे सौंदर्य तर वाढवतातच पण ते डास आणि इतर कीटकांनाही दूर ठेवतात. या वनस्पतीतून येणारा वास हा पायरेथ्रम, सॅपोनिन, स्कोपोलेटिन, कॅडिनॉल आणि इतर घटकांनी बनलेला असतो, जे डासांना तुमच्या घरापासून दूर ठेवतात.

लॅव्हेंडर:- लॅव्हेंडर वनस्पती माश्या, डास, कोळी आणि मुंग्यांना दूर ठेवण्याचे काम करते. या वनस्पतींचा उपयोग अरोमाथेरपी आणि हर्बल उपचारांसाठी केला जातो. या वनस्पतीची पाने थेट त्वचेवर देखील चोळता येतात. याच्या पानांमधून निघणारे तेल तुमचे कीटकांपासून संरक्षण करते.

रोजमॅरी:-  ही एक सुगंधी वनस्पती आहे. उन्हाळ्यात फुलणाऱ्या या वनस्पतीच्या देठाच्या सुगंधामुळे डास जवळ येत नाहीत. डासांपासून घर सुरक्षित ठेवण्यासाठी घरात रोजमॅरीचे रोप लावा.

(सोशल मीडियावरून साभार)