दुचाकी स्लीप झाली अन् धावत्या ट्रेलरखाली चिरडून तरुणाचा मृत्यू…

पुणे: पुण्यात काळजाचा ठोका चुकवणारा अपघात झाला. दुचाकी अचानक स्लीप झाली अन् धावत्या ट्रेलरच्या चाकाखाली आली. दुचाकीवरील दोघांचाही या अपघातात चिरडून मृत्यू झाला. चाकण-तळेगाव मार्गावर हा अपघात झाला आहे. या अपघात एकाचा जागीच मृत्यू झाला, तर दुसरा तरुण गंभीर जखमी झाला आहे. त्याच्यावर रुग्णालयात उपचार सुरू आहेत.

खालुम्ब्रे येथील हुंडाई चौकात सकाळी साडे सहाच्या सुमारास हा अपघात झाला. दोन जण दुचाकीवरून कामाला निघाले होते. त्यावेळी चाकण तळेगाव मार्गावर अचानक दुचाकी स्लीप झाली. त्यामुळे ट्रेलरच्या चाकाखाली दुचाकी गेली. दुचाकीवर पाठीमागे बसलेला व्यक्तीचा जागीच मृत्यू झाला. तर चालक जखमी झाला. त्याला तात्काळ रूग्णालयात उपचारासाठी दाखल करण्यात आले.

चाकण तळेगाव मार्गावर झालेल्या अपघातामध्ये कामगार गजानन बाबुराव बोलकेकर याचा जागीच मृत्यू झाला. या कामगाराच्या शरीराचा अक्षरशः चंदामेंदा झाला. दुसरा व्यक्ती गंभीर जखमी झाला. चाकण-तळेगावमध्ये झालेला हा अपघात भीषण आणि भयावह होता. धावत्या ट्रेलरखाली आल्यामुळे त्या व्यक्तीच्या शरीराचा चेंदामेंदा झाला.

अपघाताची माहिती मिळताच पोलिसांनी घटनास्थळी घेतली. जखमीला तातडीने रूग्णालयात दाखल केलेा. पोलिसांनी वाहतूक सुरळीत केली. पंचनामा करत अपघाती मृत्यूची नोंद केली आहे. दरम्यान, चाकण तळेगाव मार्गावर मोठ्या प्रमाणात खड्डे पडले आहेत. त्यामुळे अपघात होत आहेत, असा आरोप स्थानिकांनी केला.