नांदेड : राज्यभर चर्चेत आलेल्या सक्षम ताटे हत्याकांड प्रकरणात आता नवा वाद निर्माण झाला आहे. प्रियकर सक्षम ताटेच्या मृत्यूनंतर त्याच्या कुटुंबासोबत राहण्याचा निर्णय घेतलेल्या आंचल मामीडवारने आता ते घर सोडल्याने पुन्हा एकदा हे प्रकरण चर्चेत आले आहे.
काही महिन्यांपूर्वी आंचल मामीडवारच्या प्रियकराचा, सक्षम ताटेचा, तिच्याच वडिलांनी आणि भावाने कथितरित्या खून केल्याची घटना समोर आली होती. या प्रकरणात आंचलने आपल्या वडिलांना आणि भावाला फाशीची शिक्षा देण्याची मागणी केली होती. तसेच सक्षमच्या मृत्यूनंतर त्याच्या कुटुंबीयांचा आधार बनून त्यांच्याच घरी राहण्याचा निर्णय घेतल्याने ती चर्चेत आली होती.
मात्र, आता आंचलने सक्षमचे घर सोडले असून ती आपल्या आजीसोबत राहत असल्याची माहिती समोर आली आहे. याबाबत बोलताना आंचलने सक्षमच्या लहान भावावर गंभीर आरोप केले आहेत. तिच्या म्हणण्यानुसार, सक्षमचा भाऊ तिच्याशी अयोग्य वर्तन करत होता तसेच अनेकदा चुकीचा स्पर्श करण्याचा प्रयत्न करत होता. याबाबतची माहिती आपण कुटुंबीयांनाही दिली होती, मात्र त्यांनी विश्वास ठेवला नसल्याने घर सोडण्याचा निर्णय घेतल्याचा दावा आंचलने केला आहे.
दरम्यान, आंचलच्या आरोपांनंतर सक्षमच्या आईने आणि आत्याने तिच्या दाव्यांना फेटाळून लावत पलटवार केला आहे. एका वृत्तवाहिनीशी बोलताना त्यांनी काही मोबाईल चॅट्स दाखवत सक्षमच्या भावाला बदनाम करू नये, अशी विनंती केली. “आता आमच्याकडे एकच मुलगा उरला आहे. त्याने कोणतेही चुकीचे कृत्य केलेले नाही. तो आंचलला नेहमी ‘वहिनी’ म्हणूनच संबोधत होता,” असा दावा कुटुंबीयांनी केला.
यावेळी कुटुंबीयांनी प्रसारमाध्यमांसमोर काही संदेशही सादर केले. या संदेशांमध्ये आंचल आणि सक्षमच्या भावामध्ये संवाद झाल्याचे दिसून येत असून, त्यावरून दोघांमध्ये नियमित संपर्क होता, असा दावा कुटुंबीयांकडून करण्यात आला आहे.
सध्या या प्रकरणात दोन्ही बाजूंकडून परस्परविरोधी दावे केले जात असल्याने सत्य नेमके काय आहे, याबाबत उत्सुकता निर्माण झाली आहे. संबंधित आरोपांची अधिकृत चौकशी किंवा कायदेशीर प्रक्रिया झाल्यानंतरच वस्तुस्थिती स्पष्ट होणार आहे.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…