मुंबई: मुंबईतील तब्बल 2121 रस्त्यांपैकी फक्त 479 रस्त्यांचेच काँक्रिटीकरण पूर्ण झाले आहे. म्हणजे उर्वरित 1600 हून अधिक रस्ते अजूनही अर्धवट अवस्थेत आहेत. संपूर्ण शहर खोदलेलं, धुळीत न्हालेलं आणि आता पावसाने चिखलात बुडण्याच्या उंबरठ्यावर आहे.
महापालिका आयुक्तांनी फेब्रुवारीत बैठक घेऊन 31 मे पर्यंत काम पूर्ण व्हावं, असं स्पष्ट आदेश दिला होता. मात्र या आदेशाची अक्षरशः पायमल्ली करण्यात आली आहे. महानगरपालिकेत सध्या प्रशासक राज आहे. कोणतीही जनतेकडून निवडून आलेली व्यक्ती सत्ता रचनेत नाही. ही संधी साधून कंत्राटदार, अधिकारी आणि दलालांचे सिंडिकेट तयार झाले आहे. या सिंडिकेटमध्ये कोण किती ‘मलई’ खातो, याचीच चढाओढ सुरू आहे. कामं थांबलेली, निधी वाटलेला आणि चिरीमिरी वाटप सुरू आहे. या भ्रष्ट कारभाराविरोधात राष्ट्रवादी युवक काँग्रेस शरदचंद्र पवार पक्षाचे मुंबई अध्यक्ष ॲड. अमोल मातेले यांनी थेट आयुक्तांना सवाल केला आहे.
आयुक्तांच्या आदेशांना डावलून कामे रखडवणाऱ्या कंत्राटदारांवर आणि भ्रष्ट अधिकाऱ्यांवर कारवाई होणार की पुन्हा ‘स्मशान शांतता’ राखली जाणार
खड्ड्यांमध्ये जीव जात आहेत. वाहतूक कोंडीत रुग्ण अडकतात. चिखलाने शाळकरी मुलं घसरून पडतात. हे कोणत्या मुंबईचं चित्र आहे? ही ‘शांघाय’ मुंबई की ‘शमशान’ मुंबई.
मुंबईकर दर वर्षी सहन करतात, पण यंदा सहन करायचं नाही. आता प्रश्न आहे. “खरंच विकास होतोय का? की फक्त मलई वाटली जातेय.
राष्ट्रवादी युवक काँग्रेसकडून लवकरच महापालिका आयुक्तांना निवेदन देण्यात येणार आहे, आणि जर परिस्थितीमध्ये सुधारणा झाली नाही तर अनोख्या पद्धतीने आंदोलन करण्यात येतील. मुंबईकरांसाठी आवाज उठवणं ही आमची जबाबदारी आहे.ती आम्ही निभावूच!
राष्ट्रवादी युवक काँग्रेस शरदचंद्र पवार, मुंबईअध्यक्ष – ॲड. अमोल मातेले
‘लोकतंत्र बचाव’च्या नावाखाली काँग्रेसकडून लोकशाहीबाबत संभ्रम; व्होट चोरीच्या आरोपांवर पुरावे देण्याचे शिंदेंचे आव्हान ठाणे :…
नांदेडच्या विकासकामांसाठी निधी कमी पडू देणार नाही; १०० बेडचे रुग्णालय २०० बेडचे करण्याचे निर्देश, शेतकऱ्यांना…
रिक्षाचालक ते उपमुख्यमंत्री; संघर्ष, संघटनकौशल्य, लोकसंपर्क आणि विकासाभिमुख वाटचालीचा प्रेरणादायी प्रवास मुंबई: नेतृत्व हे केवळ…
एक आरोपी हरियाणातून, तर दुसरा विश्रांतवाडीतून जेरबंद; ३ लाखांचा मुद्देमाल हस्तगत शिक्रापूर (अक्षय टेमगिरे): शिरूर…
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…