सिलेंडरनंतर सीएनजी, पीएनजीही महागले; पेट्रोल-डिझेलचे दर पाहा…

मुंबई: इंधनाच्या दरात सातत्याने वाढ होताना दिसत असून, सर्वसामान्य नागरिकांचे महागाईमुळे हाल होऊ लागले आहेत. महानगरकडून पुन्हा एकदा सीएनजी आणि पीएनजीच्या दरात वाढ करण्यात आली आहे. सीएनजी 4 तर पीएनजी 3 रुपयांनी महाग झाले आहे. ही दरवाढ मंगळवारी (ता. १२) मध्यरात्रीपासून लागू करण्यात आली आहे.

दरम्यान, गेल्या 24 तासांत जागतिक बाजारात कच्च्या तेलाच्या किमतीत लक्षणीय घट झाली आहे. ब्रेंट क्रूड तीन महिन्यांत दुसऱ्यांदा 100 डॉलरच्या खाली आले आहे, तर WTI आता 95 डॉलरच्या आसपास आहे. कच्च्या तेलाच्या सततच्या घसरणीच्या पार्श्वभूमीवर सरकारी तेल कंपन्यांनी आज (बुधवार) सकाळी जारी केलेल्या पेट्रोल आणि डिझेलच्या किरकोळ दरात कोणताही बदल झालेला नाही.

दिल्लीत अजूनही पेट्रोल 96.72 रुपये प्रतिलिटर मिळत आहे. 6 एप्रिलपासून कंपन्यांनी त्याच्या किमती वाढवल्या नाहीत, तर क्रूडच्या किमती एका वेळी प्रति बॅरल 140 डॉलरवर गेल्या होत्या. मंगळवारी सकाळी जागतिक बाजारात ब्रेंट क्रूडची किंमत 105.9 डॉलर होती, जी आज प्रति बॅरल 99.7 डॉलर झाली आहे. WTI ची किंमत प्रति बॅरल 95.5 डॉलर आहे.

राज्यातील प्रमुख शहरांतील दर
>> पुणे – पेट्रोल 111.10 रुपये प्रति लीटर आणि डिझेल 95.58 रुपये प्रति लीटर
>> ठाणे- पेट्रोल 110.78 रुपये प्रति लीटर आणि डिझेल 95.25 रुपये प्रति लीटर
>> नाशिक- पेट्रोल 111.22 रुपये प्रति लीटर आणि डिझेल 95.70 रुपये प्रति लीटर
>> नागपूर- पेट्रोल 111.65 रुपये प्रति लीटर आणि डिझेल 96.14 रुपये प्रति लीटर
>> औरंगाबाद- पेट्रोल 111.70 रुपये प्रति लीटर आणि डिझेल 96.16 रुपये प्रति लीटर
>> जळगाव- पेट्रोल 112.22 रुपये प्रति लीटर आणि डिझेल 96.67 रुपये प्रति लीटर
>> कोल्हापूर- पेट्रोल 111.02 रुपये प्रति लीटर आणि डिझेल 95.54 रुपये प्रति लीटर

सकाळी 6 वाजता नवीन दर जाहीर केले जातात
पेट्रोल आणि डिझेलचे दर दररोज सकाळी 6 वाजता बदलतात. नवे दर सकाळी 6 वाजल्यापासून लागू होतात.पेट्रोल आणि डिझेलच्या किमतीत उत्पादन शुल्क, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीच्या जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसत आहेत.

तुम्ही रोजची किंमत याप्रमाणे जाणून घेऊ शकता
तुम्ही एसएमएसद्वारे पेट्रोल डिझेलचे दैनंदिन दर देखील जाणून घेऊ शकता (रोज डिझेल पेट्रोलची किंमत कशी तपासावी). इंडियन ऑइलचे ग्राहक आरएसपी 9224992249 या क्रमांकावर आणि बीपीसीएल ग्राहक 9223112222 या क्रमांकावर आरएसपी पाठवून माहिती मिळवू शकतात. त्याच वेळी, HPCL ग्राहक 9222201122 या क्रमांकावर HPPprice पाठवून किंमत जाणून घेऊ शकतात.