domkhel-school
पुणे: जि. प. प्राथमिक शाळा, डोमखेल (ता. हवेली, जि. पुणे) येथे ५ मार्च २०२६ रोजी विद्यार्थ्यांचे वार्षिक स्नेहसंमेलन मोठ्या उत्साहात पार पडले. कार्यक्रमाचे उद्घाटन आव्हाळवाडी ग्रामपंचायतीचे माजी आदर्श सरपंच चंद्रकांतबापू आव्हाळे पाटील, आव्हाळवाडी ग्रामपंचायत सदस्य तसेच ज्ञानेश्वरी उद्योगसमूह प्रा. लि. कंपनीचे चेअरमन काकासाहेब रामराव सातव पाटील, शाळा व्यवस्थापन समितीचे अध्यक्ष हनुमंत सातव पाटील, सामाजिक कार्यकर्ते अशोक आप्पा सातव पाटील, संजय सातव पाटील व कांताराम सातव पाटील यांच्या हस्ते करण्यात आले.
कार्यक्रमाला प्रमुख पाहुणे म्हणून पंचायत समिती सदस्या अर्चनाताई मुरकुटे, आव्हाळवाडीचे माजी सरपंच रामदास आबा सातव पाटील, माजी उपसरपंच उषाताई सातव पाटील, नटराज डेव्हलपर्सचे सर्वेसर्वा नटराज सातव पाटील, उद्योजक राहुल सातव पाटील, दशरथ सातव पाटील, नारायण सातव पाटील, संभाजी सातव पाटील, ह.भ.प. शरदमहाराज सातव पाटील, उद्योजक विकास सातव पाटील, बैलगाडा मालक नितीन सातव पाटील, गौरव सातव पाटील, हवेली शिक्षक सोसायटीचे चेअरमन विजय काळे सर, पुणे जिल्हा प्राथमिक शिक्षक संघाचे कोषाध्यक्ष विलास थोरात सर, उद्योजक गणेशशेट अमृत सातव पाटील, ग्रामपंचायत सदस्या सविताताई सातव पाटील, सारिकाताई सातव पाटील, सुरेश आबा सातव पाटील, मिलिंद सातव पाटील तसेच इंजिनिअर सुनील थोरात आदी मान्यवर उपस्थित होते.
कार्यक्रमस्थळी आकर्षक रांगोळी काढण्याचे काम सारिका काळपूंड, वर्षा थोरात मॅडम व दिपाली जांभळे मॅडम यांनी केले. शाळेतील इयत्ता ५ वीच्या विद्यार्थिनींनी सादर केलेल्या गणेशवंदनेने कार्यक्रमाची सुरुवात झाली. त्यानंतर इयत्ता १ ली ते ६ वीच्या विद्यार्थ्यांनी विविध गुणदर्शनाचे कार्यक्रम सादर करून उपस्थितांची मने जिंकली. कार्यक्रमाचे विशेष आकर्षण म्हणजे इयत्ता ५ वीच्या विद्यार्थ्यांनी सादर केलेली छत्रपती संभाजी महाराज यांच्या जीवनावर आधारित “छावा” ही थीम होय. या सादरीकरणाला उपस्थितांकडून उत्स्फूर्त प्रतिसाद मिळाला. अनेक कार्यक्रमांना प्रेक्षकांनी “वन्स मोअर” म्हणत विद्यार्थ्यांवर बक्षिसांचा वर्षाव केला.
सायंकाळी ५.३० वाजता सुरू झालेला विविध गुणदर्शनाचा कार्यक्रम रात्री ९.३० वाजेपर्यंत रंगला. त्यानंतर सर्व विद्यार्थी, पालक, ग्रामस्थ व पाहुण्यांसाठी सुग्रास भोजनाची व्यवस्था करण्यात आली होती. कार्यक्रम यशस्वीरीत्या पार पाडण्यासाठी सर्व शिक्षकवृंद, शाळा व्यवस्थापन समितीचे सदस्य तसेच ग्रामस्थ यांनी मोठी मेहनत घेतली. कार्यक्रमाचे प्रास्ताविक व सूत्रसंचालन बाळासाहेब टेमगिरे सर, अपर्णा थोरात मॅडम व मछिंद्रनाना सातव पाटील यांनी केले. कार्यक्रमाचे आभार प्रदर्शन शाळेच्या मुख्याध्यापिका वनिता येद्रे व शिक्षक लक्ष्मण साकोरे सर यांनी केले.
फुलगाव येथे जिल्हास्तरीय कवितागायन स्पर्धेत डोमखेल शाळेला द्वितीय क्रमांक!
डोमखेलच्या जिल्हा परिषद प्राथमिक शाळेतील चिमुकल्यांनी भरविला आठवडी बाजार…
Video: जि.प. शाळा चर्चेत! इयत्ता १तील विद्यार्थी म्हणतात 26 पर्यंत पाढे…
ठाणे: ठाण्यातील टेंभी नाका येथील शिवसैनिकांचे श्रद्धास्थान असलेल्या आनंदआश्रमात गुरुपौर्णिमा मोठ्या उत्साहात आणि भक्तिभावाने साजरी…
मुंबईतील एनएससीआय डोम येथे होणार प्रारंभ; युवक, विद्यार्थी आणि नागरिकांना प्रतिज्ञेत सहभागी होण्याचे मंत्री मंगलप्रभात…
मुंबई: देशभरात सध्या जंतर-मंतरवरील आंदोलनाची चर्चा रंगली आहे. काही आंदोलनकर्त्यांनी वापरलेल्या अश्लील, अपमानास्पद आणि खालच्या…
७५ वर्षीय केरबा खोरे यांच्या व्यथेला राज्यभरातून प्रतिसाद; तहसीलदार बाळासाहेब म्हस्के व आमदार माउली कटके…
शिरुर (तेजस फडके) गोवंश संरक्षणाच्या उद्देशाने लागू करण्यात आलेल्या 'महाराष्ट्र पशु संरक्षण' कायद्याचा हेतू जरी…
शिरुर (तेजस फडके): चासकमान डाव्या कालव्याच्या अस्तरीकरणाच्या मनमानी, विस्कळीत आणि शेतकरीविरोधी नियोजनाविरोधात आंबळे परिसरातील शेतकऱ्यांचा…