चंद्रपूर: वैद्यकीय सुविधांचा अभाव, रुग्णालयाची अपुरी जागा, औषधांची कमतरता, अस्वच्छतेचा अभाव व अपुरी कर्मचाऱ्यांची संख्या आधी चंद्रपूर मेडिकल कॉलेजमधील असुविधांवरुन विधानपरिषदेचे विरोधी पक्षनेते अंबादास दानवे यांनी तीव्र नाराजी व्यक्त केली.
रुग्णालयातील असुविधांमुळे तातडीने नवीन मेडिकल इमारतीत या रुग्णालयाचे स्थलांतर करण्याच्या सूचना दानवे यांनी केल्या. तसेच यासाठी शासनाकडे पाठपुरावा करणार असल्याची ग्वाही दानवे यांनी चंद्रपूर मेडिकल कॉलेजच्या पाहणी दरम्यान दिली. या पाहणी दरम्यान वैद्यकीय अधिक्षक यांच्या समोरच निवासी डॉक्टरांनी अंबादास दानवे यांच्यासमोर अडचणींचा पाढा वाचला. एमआरआय मशीन असून ती अजून कार्यरत नाही, ऑपरेशन विभागात मूलभूत सुविधा नाही, रेडीओलॉजी विभागात कर्मचारी नाही तसेच डॉक्टरांच्या सुरक्षेचा प्रश्न आदी समस्या निवासी डॉक्टरांनी दानवे यांच्यासमोर मांडल्या.
केपीसीएल कंपनीकडून विस्थापित झालेल्या शेतकऱ्यांच पुर्नवसनाचा मुद्दा, चंद्रपूर जिल्हा मेडिकल महाविद्यालयातील असुविधा, शेतकऱ्यांचे प्रश्न आदी विषयांवर विरोधी पक्षनेते अंबादास दानवे यांनी जिल्हाधिकारी कार्यालयात आढावा बैठक घेतली. केपीसीएल कंपनीने शेतकऱ्यांची काही जमीन वाटाघाटी करुन खासगीरित्या घेतली तर काही जमीन सरकारकडून घेतली. मात्र शेतकऱ्यांची जमीन घेऊनही त्यांच्या नावांची यादी नाही असे सांगून कंपनी दुतोंडी भूमिका निभावत आहे, अशी टीका विरोधी पक्षनेते दानवे यांनी केली. शेतकऱ्यांच वेळेत पुर्नवसन न केल्यास वैधानिक मार्गाने पावले उचलून येथील शेतकऱ्यांना न्याय देण्याचा प्रयत्न करु, असा इशारा दानवे यांनी केपीसीएल कंपनीला दिला.
यावेळी जिल्हाधिकारी विनय गौडा, अधिष्ठाता डॉ. अशोक नितनवरे, जिल्हाप्रमुख संदीप गिर्हे, वाहतूक सेना जिल्हाप्रमुख स्वप्निल काशीकर, जिल्हाप्रमुख मुकेश जीवतोडे, आशिष कावटवार विरोधी पक्षनेते नगरपरिषद पोंभुर्णा, सरपंच प्रशांत कोल्हे वाहनगाव युवासेना जिल्हाध्यक्ष समनव्यक विनय धोबे व पदाधिकारी उपस्थित होते.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…