राजकीय

शरद पवारांच्या NDA प्रवेशाच्या चर्चेला उधाण; पृथ्वीराज चव्हाणांचे आवाहन, सुप्रिया सुळेंचे प्रत्युत्तर

नाशिक : राष्ट्रवादी काँग्रेस पक्षाचे अध्यक्ष शरद पवार यांच्या नेतृत्वातील राष्ट्रवादी काँग्रेस पक्ष NDAसोबत जाणार असल्याच्या चर्चांना गेल्या काही दिवसांपासून उधाण आले आहे. राष्ट्रवादी आणि भाजप नेत्यांच्या वाढलेल्या भेटीगाठी तसेच केंद्र सरकारविरोधातील काही मुद्द्यांवर राष्ट्रवादीची दिसून येणारी मवाळ भूमिका यामुळे राजकीय वर्तुळात विविध तर्क-वितर्क सुरू आहेत. या पार्श्वभूमीवर काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी शरद पवारांनी NDAसोबत न जाता इंडिया आघाडीसोबतच राहावे, असे आवाहन केले आहे.

नाशिकमध्ये पृथ्वीराज चव्हाण म्हणाले की, शरद पवार आणि पंतप्रधान नरेंद्र मोदी यांच्या भेटीमुळे राष्ट्रवादी काँग्रेस NDAसोबत हातमिळवणी करणार असल्याची चर्चा सुरू झाली आहे. मात्र, शरद पवार हे विचारांनी डावीकडे झुकलेले नेते असून फुले-शाहू-आंबेडकर यांच्या विचारांवर त्यांचा विश्वास आहे. त्यामुळे त्यांनी मनुस्मृती मानणाऱ्या विचारसरणीच्या लोकांसोबत जाऊ नये, असे चव्हाण यांनी म्हटले.

सुप्रिया सुळेंचे चव्हाणांना प्रत्युत्तर

पृथ्वीराज चव्हाण यांच्या या वक्तव्यावर राष्ट्रवादी काँग्रेसच्या खासदार सुप्रिया सुळे यांनी प्रत्युत्तर दिले आहे. महाराष्ट्रातील काँग्रेसचे नेते राष्ट्रवादी काँग्रेसला नेहमीच चुकीच्या चौकटीत बसवतात. कदाचित महाराष्ट्रातील काँग्रेस नेत्यांचा केंद्रातील नेत्यांशी योग्य समन्वय नसल्यामुळे असे घडत असावे, असे सुळे म्हणाल्या.

दरम्यान पृथ्वीराज चव्हाण यांनी स्पष्ट केले की, राष्ट्रवादी काँग्रेस आणि NDAच्या संभाव्य हातमिळवणीबाबत विचारण्यात आलेल्या प्रश्नावर आपण शरद पवारांविषयी भाष्य केले होते. तसेच आगामी काळात केंद्रातील सत्तेत बदल होण्याची शक्यताही त्यांनी व्यक्त केली.

‘२०२९ मध्ये मोदी पंतप्रधान राहणार नाहीत’

केंद्र सरकारविरोधात जनतेमध्ये मोठा रोष असल्याचा दावा पृथ्वीराज चव्हाण यांनी केला. येत्या काळात देशात सत्तांतर होण्याची शक्यता असून २०२९ मध्ये नरेंद्र मोदी पंतप्रधान राहणार नाहीत, असे भाकीत त्यांनी केले.

चव्हाण यांच्या मते, गेल्या काही वर्षांत मोदी सरकारने घेतलेल्या निर्णयांमुळे जनतेमध्ये नाराजी निर्माण झाली आहे. हे सत्तांतर काँग्रेसमुळे होईल की अन्य कोणत्या राजकीय पक्षामुळे, हे सध्या सांगणे कठीण आहे. मात्र, सत्तांतराची शक्यता असल्याचे त्यांनी नमूद केले.

याचवेळी केंद्रीय गृहमंत्री अमित शाह यांना उपपंतप्रधान व्हायचे असल्याचा दावाही पृथ्वीराज चव्हाण यांनी केला. त्यामुळे त्यांच्या या वक्तव्यामुळे महाराष्ट्रासह देशाच्या राजकीय वर्तुळात चर्चेला आणखी उधाण आले आहे.

शिरूर तालुका टीम

Recent Posts

शिरूर तालुक्यात ७० लाखांची खंडणी मागून महाविद्यालयाला वेठीस धरण्याचा प्रयत्न! एकाची थेट येरवडा कारागृहात रवानगी…

शिरूर (तेजस फडके) : शिक्षण संस्थेच्या नावाने दबावतंत्राचा खेळ खेळायचा, विद्यापीठापासुन विविध शिखर परिषदांपर्यंत तक्रारींची…

2 तास ago

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

1 दिवस ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

2 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

2 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

2 दिवस ago

मराठवाड्यात काँग्रेस संघटना मजबूत करण्यासाठी सपकाळ मैदानात; बूथपासून जिल्हास्तरापर्यंत बांधणीचे निर्देश

SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…

2 दिवस ago